بنات الله يوفقكم الموجوده تادخل بسرعه ابي عونك تكفون طحت بورطه كبيرة

صباح الخير
تكفون بنات انا بمشكله ما بيحلها بعد الله غيركم بدخل بالموضوع مافي وقت للف انا بيت اهلي الحين تصورو عروس مالي الا كم شهر رجعت بيت اهلي بعد ماتزاعلت مع زوجي ولابينت لاهلي اني زعلانه منه قلت انه بيسافر كم يوم عنده شغل بنات بستجن المشكله هي ان في شغله من زمان اطلب من زوجي يسويها من قبل حتا الزواج وكلا يوعدني ان شاء الله بيكلم الوالد عشانها وانا انتضر مره يقولي اسبوع بس واعطيك الخبر ومره اسبوعين وكذا مره تهاوشنا علشان الشي هذا والمشكله احسه انه مبرد هو يكلم ابوه صدق بس ما احس يطلع بفايده وقلتله دخل احد من اهلك يمون على خالي اللي هو ابوه علشان يقتنع واخر مره جابلي عذر وربي مادخل براسي المشكله ان ذا الموضوع خاص بمستقبلي انا وهو وحياتنا متوقفه عليه بس مدري وش فيه مو راضي يكلم ابوه بجد يقول انا احترم الوالد وما اقدر اسوي الشي غصب عنه قلتله وانا بعد مابي شي بالغصب بس حاول تدخل احد بالموضوع لان لو كلم احد الكل بيوقف معاه لان جدا موضوع مصيري وابالخر تزاعلت معه وقلتله اختاريا ام تحل الموضوع ولا هذا اخر شي بيني وبينك والله يسهلك ولي وقلتله ودني بيت اهلي بنات الموضوع كبر ولا تقولون تنازلي عن الموضوع لو تعرفونه بتوقفون بصفي بس عطوني حل اخفف من الشي اللي سويته وتهورت وقلتله ذا الكلام تعرفون الرجال مايحب حرمه تهدده وانا قلتله بلحظة غضب ومن امس باليل وانا ابكي وحابس نفسي بغرفتي حاسه بالذنب وبنفس الوقت مو قادره اتنازل والمشكله دقيت عليه اكثر من 90 مكالمه مارد وانا متاكده انه جالس بس مايبي يرد على ومن شدت غضبي ارسلت مسج شوفلك حل انا ولا الموضوع بس احس اني تاسفت ساعدوني الله يرضى عليكم انا ماتزوجت الابعد قصة حب طويله ومعاناه من اهلي واهله لحدما وافقو على زواجنا انا احبه موت وهو بعد احسه يتعذب بس مايبغى يبين لي انه تعبان بسببي والله اعرف طبعه زين مايسمح لفسه انه يصغر حاله جمبي ويتنازل انا اعرف طبعه زين عنيد علىحساب نفسه والله انه يحبني موت وانا بعد وتعاهدنا مانترك بعض بس الشيطان دخل بينا تقولون عين من الناس لانه تعذب وعانا كثير لحد ماتزوجنا بنات تكفون وش اسوي عطوني حل اصلح اللي سويته انا بموت من البكا والقهر المشكله ما احد يعرف وش فيني اهلي مفكرين جايه لهم عشان زوجي مسافر وانا من امس اصيح خايفه يجيني شي لو تخلا عني اكيد بموت وهو بعد لان مانقدر نبعد عن بعض وش الحل الزعله كبيره والمشكله اكبر تكفووووون ساعدوني اللي عندها حل تقول الله يوفقكم انتضركم موقادره احط راسي وانام ولاقادره اهدى وما ادي وش صار له هو طيب ولامريض مرتاح ولا وش فيه بستجن ياناس تكفون ساعدوني ادري طولت بس من قهري موعارفه وش اسوي احس اني وحيده مالي احد انا متعوده همي وتعبي كله عند حبيبي زوجي والحين راح زوجي بموووووت قهر الحقوني