بنات الله يوفقها اللي ترد علي حتى لو بدعاء تكفون وحده معلقه

بنات الله يوفقها اللي ترد علي حتى لو بدعاء تكفون
مشكله تضيق الصدر

السلام عليكم ورحمه الله وبركاته

عندي مشكله لصديقتي وبحاجه لنصيحتكم
صديقتي تزوجت قريب لها زواج تقليدي بمعنى الكلمه ماكان لها أي راي بالزواج وحبته بعد الزواج بشكل جنوني لدرجه انها تشوف منه تصرفات تقهر وتغاضى عنها
مره يجي سكران وجواله كله رسايل بنات غزل ولا طلب فلوس الخ

دقت على شيخ وقال لها لو كل وحده مثل مشكلتك واقولها تطلقي لقيتي 90 بالميه من البنات تطلقن بس اصبري
وكانوا بعض خواته يقهرونها بس هو كان ياقف بصفها وهي تقول هذا اللي يهمني ويصبرني واني لابغيت شي يسويه لي
حرمت نفسها من اشياء كثيره عشانه نزوجوا حوالي 3 سنوات ماكانت تجي اهلها الا اسبوه او اسبوعين خلال السنه تخيلوا يابنات هي بمنطقه واهلها بمنطقه واذا راحت قال ابجي اخذك مليت ومن هالكلام
على فكره هي صديقتي من حوالي 14 سنه بنت اتعب وانا اقول مسالمه لدرجه ماتخيلونها بس مو معناته انها امعه او ساذجه لا تهتم بنفسها وبلبسها وسنعه وحبيبه في اهلها وامها وابوها لدرجه ان ابوها يبكي يوم تزوجت

الماساه انه مره جابها عند اهلها وتركها وبعد اسبوع او اقل جاب لها ملابسها بكيس زباله وقال تراني طلقتها
انجنت ولاصدقت دقت عليه وش فيك وش جاك مني ماكان عنده أي مبرر مره يبكي ويقول انا احبك بس خلاص اللي بينا انتهى ومره يقول لسانها طويل كل يوم له كلمه طبعا تاثرت لدرجه ماتخيلونها انهارت
وكل يوم يقول انا ابجيب ورقتها { ورقه الطلاق } ولليوم ماجابها له الحين 3 سنوات
كل يوم له كلام جديد مره الورقه بجيبي ومره عند المحكمه واذا اهله ناقشوه يقول انا ابكتب ورقتها وارسلها
جننها
اكيد بتسالون وين اهلها
ابةها قال لاخوانها لااحد يتكلم وانا موجود وسكت فتره طويله لين جاه الولد وقاله لاتحتروني تراني طالقت البنت وقاله ابوها من قال اننا نتنظرك ترجع حنا اذا كنا ساكتين عشان خاطر ابوك وحشمه له والحين جيب ورقها قال خلاص ابرسلها وصار يتهرب باللورقه
واذا احد ناقشه وقال ماتستاهلها قال يالله انفعوها الحين
تصدقون حتى اهله صاروا معها ضده بس ماهمه احد ابوه يقول والله مالي حيله ولاابيها تطلع من بيتنا
الولد موطبيعي ابد تصرفاته غريبه
بس الحين مشكلتها الورقه ابوها تعبان مره وهي ملت 3 سنين معلقه تقول لو عطاني ورقه كان سليت على الاقل وعشت حياتي بس المشكله اني معلقه

سؤالي
وش الاجارات اللي ممكن تسويها البنت عشان تاخذ ورقتها ؟ بدون لاتذل نفسها لااحد وترجى احد
طبعا بالنسبه للمحاكم اكيد ان اهلها بيعيون خاصه انه قريبهم
ولانتسونها بالدعا وتدعون لي بالزوج الصالح