al farasha
المندوبة جمانة
ملامح نجد
ميسون الحلوه

مشكورات خواتي ما قصرتوا جزاكم الله خير

انا استخدمته زين وبشرتي حنطاويه
وشعري مو سميك

ماكو احسن من الليزر
لا مايعور
وانا توني جلستين بينهم شهرين

سبقتيني وكأنك تقرين افكاري
الله يحقق لك احلامك مهما كبرت وبلغت الجبال طولا
يعطيك العافية عيوني
انا والله بعمل ليزر لجسمي بس مادري عند اى مركز اروح انا بالرياض ولا ادري تنصحوني فية ولا لا؟؟
ويعني كم يجلس فترة الشعر مايطلع شهر شهرين والله مليت من الحلاوة :icon33: :icon33:
والاثار الجانبية تطول ولا لا
وكم الفترة بين كل جلسة والثانية يعني مثلا باول جلسة تشيل الشعر كلة ولا كيف افيدوني بناااااااااااااااااااااااااااااااااااااااااات؟؟

أهلا أختي (أحلامي كبيرة)

أنا سويت ليزر لتحت اليد .. و الرجلين و الوجه ..
في الوجه نوع الشعر خفيف .. و عقب كم جلسه (زاد بشكل فظيع) و ندمت إني سويته..
نوع بشرتي حنطاويه .. لكن جسمي أبيض .. و الليزر نفعني في الأماكن الأخرى لكن ويهي لا..
عدد الجلسات .. مب أقل عن 10 في 3 أماكن مختلفه ..
سويت العلاج في لايسبري بيوتي في دبي .. و كوزمسيرج .. و آخر شي في عياده جلديه .. و بعدها الدكتوره قالت لي أصلا شعر ويهج خفيف ليش سويتيله ليزر.. :icon33: أما منطقة الباط .. خف بشكل ملحوظ .. و ونفس الكلام للرجلين بعد ..

بين الجلسه و الثانيه تقريبا شهر إلى 6 أسابيع ..

الليزر مؤلم بس في منطقة الشنب .. أما باقي الأماكن لا..بس ألم بسيط..

بخصوص الآثار الجانبيه .. ساعات تستوي حروق .. يعني أنا في رقبتي صار لي حرق .. و البقعه بعدها باقيه .. و هذا الكلام من 3 سنين ..

أنا ما أنصح فيه للوجه إلا للي تكون بيضا و الشعره سميكه .. لكن الأرجل و الباط .. صراحه وايد ممتاز ..

بديل لليزر .. أنا حاليا ابتديت أول جلسة كهرباء للشعر في وجهي .. في مركز ألانا ..
و قالوا لي إنهم بيعطوني شهادة ضمان إني إذا استمريت عندهم لمدة سنه و نص الشعر بيختفي نهائيا .. و على فكرة دكتورة الجلدية نصحتني فيه .. و قالت إنه ينفع و أحسن من الليزر .. و الليزر أساسا مب حل نهائي للشعر ..

الكهربا مؤلمه أكثر عن الليزر .. لكن أنا بستحمل بس لأنه الليزر زاد لي الشعر في ويهي بشكل فظيع ..

و ما عاش اللي يطنشج