عذراً اختي شبيه الريم بطلع عن الموضوع ..

اختي عروق نجد ..

هههههههههههههههههههههههههههه

انا قلت في خاطري يمكن لو اني ماقريت عن ماليزيا كان هضمتها زيك :) ..

لكن قريت وماخلوا شي مامدحوه جوها براد والله ولا شفت البراد

الا في غرفتنا وجنتنج ..

وجنة الله في ارضه وسحر الشرق ومدري وشو !!!!!!!!!!

ايه الله يرحم ايام سان دييغو ..

وفيه العافيه دامك هضمتيها :)



بالتوفيق ..

ماليزيا تجنن الي ماينجن
وبشهادة الجميع
وجوها معتدل
والدليل الاقبال الغير طبيعي عليها
حتى الي يصيفون بأوروبا انهبلوا عليها

غريبه انها مااعجبتك

اعذروني بنات بس بربكم وين جوها معتدل ؟!!!

والله ثم والله ثم والله ان جوها مافرق علي كأنا هنا الرطوبه والحر ..

ثانياً تجنن بايش ؟!!

جوها؟؟ جنتنغ فقط و طبيعتها اوكي خضرا ؟!!

وخضارها فقط في طريقك لجنتنتج والمطار اوكي انا من اول قلت

جنتنج تهبل براد لكن باقي ماليزيا ؟!!

سبحان الله لولا اختلاف الاراء لبارت السلع ..

واللي يصيفون باوروبا وامريكا لما زاروها عجبتهم ولا بس راحو لها

على ماسمعوه من كلام الناس ومالقوا فيها الجو الحلوو ولا جنة الله في ارضه ؟!!

اعتذاري لصاحبة الموضوع وشكلي بنزل موضوع بشوف وش اللي

عاجب هالعالم في ماليزيا .. لان كل اللي رحت معهم عجبتهم لكن انا صراحه

مابلعتها

عالعموم اختلاف الاراء لا يفسد للود قضيه ..

محبتـــي للكل ..

الصراحة اسواق ماليزيا روعة ..وماعليها كلام

مثل ماذكرو الاخوات عندج محلات vincci
الاحذية (وانت بكرامة) عندهم روعة ..ومؤخرا فتحو لهم فرع في مركز برجمان ..

في محلات روعة في سوق (sunway lagoon)الملابس مث القمصان والبلايز

واذا كنت حابة تاخذين هدايا حريم كبار مثل الوالد او الجده..بتحصلين محل اسمه كمدار( kimdar) في مركز ميغا مول ميد فالي ..عندهم قطع اقمشة حلوة ورخيصة...من اقطان و حراير و كريب

و السوق الصيني طبعا متنوع ..

و بتلقين محل اسمه باركنسون في سوق الابراج ( klcc)
هاذا المحل متعدد الطوابق و الاقسام و كل شئ فيه

على فكرة اناشفت ماركة في ماليزيا بالنسبة مستحضرات التجميل ..و ماشفتها عندنا

اسمها بايوثيرم

و عندهم ايضا ماركة شنط اسمها بونيا..ديزايناتهم روعة و اسعارهم معقولة

هاذا الي يحضرني الحين ..واذاتذكرت شئ باكتبه ان شاء الله

انا بالنسبه اكثر ماعجبني وشريت منه جزامهم اكرمكم الله
ومثل ماقالو البنات واضيف علي المحلات محل نوس مره
رايق والشنط عندهم روعه والتقليد علي افااااااااا من يشيل
علي قولتهم خاصه بالشاينا تاون مرررررره حلو هالسوق
وتلقين عندهم كل شئ تقليد الشنط والجزم والساعات والمحفظات
والميدالايات والاقلام والكبكات وكل شئ تتوقعينه حتي العطور
وريحتها صحيح مو مره ثابته بس حلوه للبيت
وبعد عندهم الملابسسسسس بصراحه مره حلوه خاصه الفساتين
ولا تفوتين فساتين السهره بجد مره حلوه والبلايز الي علي الموضه
تجنن عندهم ورخيصه مررررره ان طقت بـ 100 رنق
وعندهم محل اسمه Geb يجنن هالمحل فيه بلايز وفساتين
وتنانير علي الموضه واسعاره معقوله وتلقينه بقرني بلازا
في بيننق وله فروع بميد فالي ميقا مول واغلب الموالات الي
عندهم والمكياج عندهم محل له فروع بكل المجمعات عنده
ماركات مو عندنا وروعه بصراحه
اسمه sasa ارواجه تجنن واحمر الخدود وتلقين عنده ماركه
كانيبو اساسها مرررررررررره حلو وانا خذيت منه وجربته
وعجبني ورجعت وشريت منه 2 زياده
وعندهم اكسسوارات الشعر مره حلوه
واذا بتاخذين هدايا خوذيها من الشاينا تاون عندهم ساعات
علي 10 مره حلوه للهدايا
وشنط الي بـ 100 خذيها بـ 20
وكااااااااااااااااااااااااااسري فيه لين تقولين بس وربي الي 300
رنق اخذه بـ 50 رنق بدون تعب انتي بس قولي له السعر الي تبينه
وروحي وخليه تلقينه ينشب لك ويناديك تعالي
ومعلومه حطيها في بالك ترا الصينين هنااااااااااك مره
وقحين ومايحترمون العرب لذالك لا تطولين الكلام معاهم
اذا مارضي روحي وخليه لانه ممكن يسبك بصوت عالي قدام
الرايح والجاي <<<<<< زي ماصار معاها وعادي لاتردين
اسفهي كأنك ماسمعتي وروحي لـ B B بلازا مررره حلو هالمجمع
وبتلقين فيه تلقيطات حلوه
وبالنهايه لا تنسين شارع بوكيت بينتانغ في محلات حليله واغلبه مولات
والجلسه فيه بالقهاوي ترد الروح وتتفرجين علي الرايح والجاي

هذا الي حاضرني لو تذكرت شئ برجع لك انشالله