اناسافرت السنه اللي فاتت وكانت رابع مره لان ماليزيا روعه جو معتدل وطبيعه وامان وشعبها طيب والاغلبيه مسلمين رحت سنتين بدون اطفال وسنه بولدي والاخيره باولادي 2 ولد وبنت 3و4سنوات واسعارها معقوله التكلف حوالي 25الف وكل سنه نزور اماكن جديده لانها عباره عن جزر ومرتفعات مثل كوالالمبور وبينانج لنكاوي جنتنق الكاميرون سيرلنجورومايمديك تزورينها كلها بسفره وحده بس افضل الاماكن كوالالمبور وبينانج روعه على البحر الكاميرون مرتفعات جوها خيالي بردوضباب الاانها تعتبر قريه صغيره وفيه بعد القريه الفرنسي على الطراز الفرنسي وتعتبر قريه لانها صغيره واماكن كثيره حلوه مايمديني اكتبها او اذكرها كلها بس اذاكنتوا ناوين عزموا تراها روعه واذا كان عندك اطفال فيعمر اولادي انصحك تاخذين عربيات لانك بتمشين كثير والاطفال اكيد بيتعبون بس لازم تاخذينهم لان فيه اماكن كثير حلوه للاطفال والسفربدونهم ممل ولو انهم متعبين شوي الله يحفظهم ومن ناحيت الحجاب مثل ماقالوالك الاخوات واسفه على الاطاله وعدم الترتيب لاني مستعجله واي سؤال انا حاضره

انا رايحه الصيف الماضي
التكلفه على حسب الفنادق او الشقق اللي بتاخذينها

البسي عبايتك كتف او راس ماتفرق لانه بالصيف مليانه خليجين

حلوه للاطفال إذا عندك

روحي لمدينه اسمها مرتفعات الكامرون تكفيها يومين طبيعه وجو خيال خوذي كم طويل لعيالك

بينانق ماحبيتها احسها وسخه يعني يومين بالكثير

خوذي بكج من تصليحكم واختاروا انتم الفنادق والاماكن اللي بتروحين لها

ولاتنسين تكتبين كل مدينه وش فيها من اماكن واسواق وملاهي وتطبعينها وخذيها معك زي الدليل

روعة وغير مكلفة....الاخوات كفوا ووفوا....بس نصيحة لا تروحين في شهر 8هجري كثير راحوا بهالشهر ما انبسطوا نهائيا خلي روحتك على شهر 6 او 12ان شاء الله بتعجبك...أهم شي الكم الطويل للاطفال بعض مناطقها باردة

بالنسبه لي انا رايحه بيناير يعني مو اجازة الصيف ... ومع كذا كان فيها خليجين.. مادري وشلون تصير بالصيف.. انا رايي انك توقتين وقت مايكون صيف عشان اخف للزحمه