اما الفندق فهو غرانت في برمانا هادي وتعاملهم حلو بس مو فخم مره معقول وما فيه مسجد عاليه وبحمدون فيها مساجد بس زحمه

افخم فندق في بيروت فينيسيا بس غالي شوي والكورنيش حقهم حلو فيه قهاوي ومطاعم والسولدير الجلسه فيه حلوه بس حر في شهر 8

اختي .... سالين

مشكوره الف الف شكر الموقع اكثر من راااائع الله يعطيك العافيه



عزيزتي .....ام كرش

ما قصرتي والله يعطيك العافيه افدتيني كثييير بالصالون والفنادق سهل الله امرك



وانتظر معلومات اخرى من باقي الاخوات خصوصا عن الثلج

الثلج في جبل...................فريا....................بشد الراء

مخصوص للتزلج................تحياتي

مساء الخير ..

اختي تفاحة حواء ..

بالنسبه للثلج انا رحتها بالشتا وكان الثلج توه ناااازل .. يعني ماتوقع ينزل بالصيف !!
ورحتها بالصيف بس مافي ثلج اذا بتروح اختك بالشتا في عندها فاريا وفيه فندق
اسمه المزار انتركونتيننتال خطيير ويجنن ..
وعلى طول تنزلين من الفندق عالثلج ويلاااا تزلجوا .. هذا لو بتروحون في الشتا ..
في الصيف مدري عنه ماطلعت لفريا بالصيف بس مستحيل يكون فيه ثلج بالصيف ..
يعني مااتوقع بس انتي اسألي ..

بالنسبه للصالونات عندك butterfly في الهوليدي ان ديون في منطقة فردان ..
في عندهم قسم داخل للمحجبات وشغلهم يجنن سويت عندهم انا وامي
واختي وصديقتي بصراحه حلووو
قص وصبغ وهاي لايت وحتى حفهم للجسم ..
بس ناسيه اسم اللي سوتلنا ..
هذا اللي جربته من صالوناتهم ..

ممم المطاعم عندك منيييير وجنة بس مثل ماقالت الاخت جنى يبيلك
تروحيلنه نهار لانه بالليل صراحة مرقص !!!ا
وفيه عندك عند ستار بكس اللي عالكورنيش مجموعة مطاعم ناسيه
اسمها بس فيه واحد صيني خطير ..
وعندك مطعم هندي بعد قريب البحر في جونيه خطير اكله وناسيه اسمه بعد ..
فينسيا فيه عندهم بوفيه اكلهم خطير وجلسته رايقه ..
الهوليدي ان في فوق اخر طابق مطعم حلووو واكله يهبل والظاهر
انه تبع الفندق ..
في بالسوليدير مطاعم حلووه بعد ايطالي ولبناني واللي تبين .. وبعد قهاوي ..

للتسوق عندك السوليدير محلات جزم وشنط واكسسورارت وملابس بعد ..
عندك بعد محلات بهوليدي ان ديون حلووه ..
تحت فردان بلازا سويتس عندهم محلات ملابس وفساتين جاهزه للمناسبات حلوو ..
وعندك محلات بعد على نفس شارع الهوليدي ان بس ناسيه اسمه
فردان وبعده ثلاث ارقام ..==> من النباهه
وعند ال abc ضبيه و abc الاشرفيه واثنينهم حلوين بس اللي
بالاشرفيه جديد وحلووو ..
وعندك ال bhv مو مجمع محل حلوو لمقاضيكم للشقه وللعيال
وفيه تحت شغلات حلوه اكسسورارت للبيت وغيره ..
وفي بالحمرا محلات رخيصه وزينه يعني يصلح تاخذين منهم هدايا اذا
اطقم عطور وزي كذا بس مو انها رخيص يعين زي اسعارنا هنا ..
وفيه محلات راقيه فساتين وبدل وغاليه ..
ونصيحتي لك اذا بتاخذين لهم هدايا ونويتي عطور خذيهم من
الديوتي فري في المطار اطقم عطور تجنن وجديده يعني اشياء توها نازله
وتقريباً ارخص من داخل لبنان ..
مممم وعندك اذا تبي تاخذلهم هدايا شيسمونها ممم بقلاوة وحلويات
لبنانيه في عوني الحلاب حلووو و محلات جنبه بعد ..
عندك للتمشيه مغارة جعيتا وقلعة موسى حلووه بعد زي المتحف ..
و متحف الشمع للمشاهير مو لهناك بس مشي الحال ..
وفي عندك في جونيه التلفريك شكله حلو بس ماجربته ==> تخااااااااف ..
عندك اذ تحبون تتمشون وتروحون انا انصحكم تاخذون سواق بسيارته
من شركه يعني مو حيا الله واذا تبون الرقم فيه اللي اجرناه لما رحنا
من عيوني حاظرين ..
اليوم ب 120 دولار بس 24 ساعه معكم ويوديكم ويجيبكم ويفرفر
فيكم على كيفه يعني حنا ماكنا ندري وين الله قاطنا
اول مارحنا ماغير للسوليدير بس يوم جانا وطلعنا معه مره وسألناه
عن اماكن وتمشيات دار فينا لبنان كلها ..
ومشالله سواقته مريحه ولا تحسين فيها خصوصاً عالجبل ===>
تسوي دعايه على غفله لووووووووووووول
بس ماخلا مكان ماودانا .. اذا تبون تتعاملون معه ابعطيكم رقمه ..

وبالنسبه لفنادق لبنان شوفي فينيسيا نمبر ون هناك يعني ارقى
فنادقهم .. ===> في مقياسي ..
الموفينبك ماانصح تروحينله الا اذ ببتقهوون او تتعشون غرفهم
ماكأنها تبع الفندق ..
الهوليدي ان ديون يهبل وحلووو كل شي حولك تنزلين تحت سوق
ومطاعم يعني وناسه ..
لو بتروحون في شتا انصحك مثل ماقلت اول شي المزار
انتركونتينتال خطير كأنه
كوخ خشب كبير ديكوره خطير والمناظر اللي يطل عليها دار
مادارك ثلج بس بالصيف مااعرفش ..
مممم بعد بعد اي صح اذا كنتو تبون تاخذون شقة فندقيه يعني
سويت عندك الفردان بلازا سويتس ون وتو
حلوو وبعد زي الهوليدي ان يعني تنزلين تحت اسواق ومطاعم
والهوليدي ان ديون جنبه وطول الشارع اسواق وجلسات ..
ممممم هذا اللي اتذكره عن الفنادق ..
مم وش بقى الملاهي اي في عندهم ملاهي حلو مو مره كبيره
وتناسب الأطفال بس والله ناسيه اسمها ..
اممم هذا اللي اذكره الحين لاتذكرت شي ولابغيتي تعرفين عن شي
اسأليني وانا في الخدمه ان شاء الله ..


رحله سعيده ويروحون ويرجعون بالسلامه ..


اختك في الله ..