نفس حالتي بالاجازات لما نكون عند اهل زوجي
والله مررره اعاني من ذا الشي
مررره مااخذ راحتي بشي لدرجه اني افضل اجلس بجوعي ولا ادخل المطبخ
ع العموم انا جايبه غلايه وشاي وحليب ونسكافيه وبساكيت وعصيرات ومويه
وافكر اخذ ثلاجه صغيره اجيب سندويشات وجبن وهيك
الله يعييننا مهما كان لابد من وجبه دسمه الاشياء هذي ماتسد الجوع

شوفي جيبي كل شي على الكهرب
قدر صغير مرة كهربائي .. فيه باكسترا وبنده وكارفور ... تسوي فيه رز مع قطعة فيليه دجاج وخضار مجمدة أو مكرونة أو الشوربات الجاهزة
فرن صغير حجمه يجنن شفته بكارفور ب 60 ريال تقدري تسوي فيه أشياء مفرزنه أو تسخني فيه
وفيه بعد أفران مكرويف صغيرة
ولاتنسي دلة العرب .. غاليه ب 350 بس تستاهل كل ريال
لما سافرت كنا بغرفة فندق صغيرة وممنوع الطبخ استخدمت الدلة والقدر الكهربائي

لاياحبيبتي لاتجيبي دفور ولاعيون لمتى ويسير ريحة الغرفه
جيبي ثلاجه صغيره وعبيها تشكلت وعصير وايس كريم
وجيبي شبس وفطاير لوزين
واما المطبخ حقك العصر قولي مشتهيه معجنات وسوي واكلي لمتى تموتي جوع
الليل لو طبخو شي كلي عوافي بس لو مشتهيه اجبان وخبز اخذي واكلي الي تبين حزنت عليك

الله يعينك مادري كيف تسكنون مع اهل الزوج اشوفها صعبة صعبة صعبة مرة
انا اجي عند اهل زوجي في الاجازات 3-4 ايام عشان زوجي ماياخذ ع خاطره وعقبها انحاش عند اهلي مع انهم والله ماشفت منهم الا كل خير وشايليني فوق روسهم بس مافي اي راحة ابداً لا المطبخ ولا الحمام غير المواقف البايخة لما اتصادف مع واحد من اخوانه بالغلط
تصدقين اكتبلك الحين وانا صاحية من الساعة 7 وميتة جوع ومو قادرة اروح المطبخ خوفي يكون احد اخوانه قدامي حتى الحمام معاناة لما ادخله لان مافي الا حمام واحد مشترك مع الصاله وغرف النوم واذا صادفت ابوه قبلي او ينتظرني برا ااااه اموت من الاحراج
الله يرزقكم بالسكن المستقل

الله يوسع عليك