بنات اللي سبق لهم وتعيدوا في دبي .. وبنات دبي . طلبتكم تفيدوني

حيا الله القلم الوردي ,لي فترة فاقدتك , كل عام وانتي بخير
سبق ورحت لدبي ثاني ايام العيد وكان الجو روعة وكانت مدهرة ولا مسكرين ولا شي,السكن انا سكنت في اكثر من مكان 1/السيتي سنتر ما ارتحت ابدا فيه ازعاج 24ساعة
2/البستان هادي ونظيف(الشقة الي اخذناها كانت مجددة واثاثهاجديد)
3/سوفتيل ماعجبني
4/جميرة بيتش هذا روعة اذا تقدرين لا تعدينه
وفيه فندق الحياة وفندق فيرمونت زوجي سكن فيهم في رحلة عمل يمدحهم مرة,
الاسواق عندك السيتي سنتر,برجمان,الغرير,مركز وافي ,ميركاتو,
وفيه حديقة الممزر على البحر حلوة وهادية,
وفيه فندق برج العرب اذا بتتفرجون عليه وتتقهوون فيه روعة لا يفوتكم(اذا تقدرون تسكنون ليش لا)
وفيه في الشارقة مركز على ما اعتقد اسمه ميقا مول حلو وكبير وملاهي الاطفال فيه حلوة.
الله ييسر امركم وتروحون وترجعون بالسلامة,واهم شي الحجوزات تأكدونها وكاميرا الفديو لا تنسينها,وبعد عندي نصيحة اخيرة وانتم راجعين ان شاء الله روحوا للمطار قبل بوقت لان مطارهم روعة والتسوق فيه ممتع.

حياج الله اختي في دبي ...
وان شاء الله بتستانسين في دبي وخصه اذا كنتي اتحبين تتسوقين اظني ما بتتطلعين من دبي في وايد مراكز عندج برجمان وافي سنتر والغرير والبستان مركز بن سوقات وسوق مرشد وسوق نايف وسوق عكاظ ومركز المنال امجابل سوق نايف وبالنسبة للحدايق فالعيد فيها غير بتشوفين فيه فعاليات للعيد حديقة مشرف وحديقة الصفا ووايد حدايق بعد وللشارجة بعد حلوه اذا رحتى مركز ميغا مول ومركز التعاون ومركز صحارى حلو بعد وبشوفين فيه زحمه في العيد .

وان شاء الله تستانسين في العيد ويانا في الامارات وحياج الله في دار زايد.... :26:

حياكم الله في دبي دار الحي ...

الأخوات ما قصروا ...

بس بغيت أضيف ...

الحدائق : حديقة الخور و حديقة الصفا و الوندر لاند ... الصراحه روووووووووعه ...

مراكز التسوق : برجمان و الغرير و البستان والريف مول وسنشري مول وغيرهم وااااااايد ..

وفي الشارجه مركز صحارى قريب وااااااايد لدبي وروووووعه بعد وفيه ألعاب ومطاعم واااايد ....

يسعد لي قلبكم يابنات كل عام وانتم بخير ان شاء الله

شاليمار .. ان شاء مالله ماتفقدين حبيب وغالي ياغالية...:21:


الـــــورد ... وميض الشوق:27:

تسلمون حبايبي ... وتراني زيكم احب زايد الخير مدري ليه .. :o
الله يطول بعمره على طاعتة ويخليه لكم

بس ودي ببعض الشاليهات واماكن التنزه على البحر والقوارب واذا فيه مقاهي حلوه ...
بس ياليت اي مكان فيه موسيقى تخبروني .

وذا لقيت مكان عجبني ولقيت الموسيقى تشتغل ينفع اكلم المسئول يسكره ولا غير مقبول هالشئ هناك ...

السلام عليكم و رحمة الله و بركاته
يا هلا فيج في دبي

عدنا فنادق وايد في دبي
الفنادق:
جراند حياة
البستان
رويال ميراج
منتجع السلام (هذا يديد و وايد حلو و هو موجود في جميرا )
جميرا بيتج
حياة رجينسي
برج العرب

المراكز :
مركز وافي
مركز الواحة
مركز البستان
مركز ستي سنتر ( كل شي فيه زارا، مانجو، ماركة بالي، برومود، باريس غاليري، مكتبة المجرودي، كليرز، داماس ، مكس ،................الخ )
مركز ميركاتو
بالم سترب
مركز بن سوقات
مركز الشاطىء
مركز تاون سنتر
مركز برجمان
مركز الغرير


كل المراكز تقريبا يحطون موسيقى بس وقت الأذان بعضهم ما يحطون.

كل اللي تبينه بتحصلينه في دبي أقلج الصراحه سافرت في الصيف بلجيكا و اشتريت ثياب حق العيد من برومود و زارا ( كنت شارتنهم قبل ما أرجع دبي بيوم تقريبا ) و يوم رجعت شفت نفس التشكيله يعني الموديلات تنزل عندهم و عدنا في نفس الوقت تقريبا

إن شاء الله تستانسي في دبي
:27:

ريح الجنان