همس الآنين @hms_alanyn_5

محررة

بنات اللي شالت ضرس العقل بجراحه تفيدني ..

مساء الخير

بنااااااات

عندي ضرس العقل من يوم الجمعه وهو مجنني

الم وانتفاخ باللثه احس الجزء اليمين من وجهي كله يعورني

رحت مرتين المستشفى الاولى كانت طبيبة اسنان صرفت مضاد وقالت روحي لدكتور جراحه
رحت اليوم
دكتور جراحه ووقالي ان لاازم ينشال كان بيشيله بنفس اليووم
بس رفضت مايمديني هاليومين
المووهم وقالي استممر على المضاد وحبوب مسكنه

>>هذرت وآآجد مو مني من اللي فيني :06:
الم موطبيعي الله لايذووقه احد
ويارب كفاره لي

انا نفسي اسويه عند دكتوره فاللي تعرف تدلني >>انا من الرياض
واذا مره دكتور بس غرب الرياض يكوون

انا اللي رحتله في افاق البلسم بس ودي بااحد مجرب شغله

يلزم عليك تسجيل الدخول أولًا لكتابة تعليق.

تسجيل دخول

$عالية نجد\$

عالية نجد\ • 13 سنة

الله يعينك ويشفيك يارب
بس دايم يقولون الدكتور افضل من الدكتوره غالباً

يتيمة المنال • 13 سنة

ياقلبي روووحي واقلعي الضرس امس رحت وفكيت الخياط بس انا من الطائف وسويته عند جراح والحمد لله والشكر ارتحت منه كان مجنني وماعرف النوم في العيد

والله يشفيك

تيراميسو • 13 سنة

أنا شلت اثنين في يوم واحد بعمليه تخدير كامل ,والدكتور جراح في مستشفى بالدمام ماشاء الله يده تنلف بحرير مختص بضروس العقل .

ربي يهون عليك ويجعله تخفيف ورحمه

روحي يا أختي وشيليه لا تسكتين على روحك

هابي تايم • 13 سنة

اهم شيء يكون دكتور فاهم اخوي شال ضرسه عند دكتوره فلبينيه ماشاء الله ثاني يوم يقول ابدا مااحس فيه والله يعينك ويعينني عندي ضرسين شايله همها.....

مرة سليمان • 13 سنة

في فرق الضرس طلع والا لسا تحت بس منتفخ

انا خلعت الضرس وهوا لسا ماطلع وتعذبت وتورم وجهي كله اهم شي يوم الخلع كمادات ثلج واليومين الي بعدها كمادات دافيه

انا انصحك تخلعيه عند دكتور جراح بس انا من جده مااقدر افيدك بدكتور