وانا اتذكر بنت عمي جاها خلع وهي بنفس عمر بنتك تقريبا ...

اول شي كانت تلبس حفاظتين...بعدين ركبوا لها جهاز عاحوض...زي الجبس تقريبا...

والحين الحمدلله طبيعيه وعمرها 11..

انا اذكر بنت خالي اكتشفوه وهي في الاربعين كانت امها تلبسها حفاظتين وبعد ما كملت شهر ركبو لها جهاز زي الحفااظه وعاادي كانت الام تلبسه لها وتشيلوه والان البنت عمرهااا 8 سنوات وطبيعيه مافيهااا شي

اخواتي انا ابني فية خلع في يدة اليمنى بس مو ذاك الوضوح لما كان عمرة اشهر كنت اعملة علاج طبيعي وعرضتة على اكثر من دكتور واحد من الدكاترة قال يحتاج عملية بس ماسمعت كلامة اخر دكتور قال مايحتاج حتى علاج طبيعي وهو الان عمرة تسع سنوات ويكتب باليسار والحمدللة بس انا خايفة اكون اهملتة جاوبونى اللة يعطيكم العافية

يالله حيها...ظلال القران..قموسه..عيون الشوق..om3...كلاميسو...ريفه..نور بيتها..

اللـــــــــــــــــــــــه يجزاكم خير الجزاء...على ردودكم ودعواتكم...
ومازلت اطمح المزيد من المعلـــــــــــــــــــــــــــــــــــــــــــــــــــــــــــــــــــــــومات...

بنات افيدوني اكثر ...اللي مجربه احتاج اسالها اكثر..

بنات لاتطنشون رجااااء

اختي سبق ان اصاب ابنتي الخلع وتم تثبيت المفصل تحت الاشعة في مكانه وتجبير رجلها وكانت نسبة نجاحها 80 في المئة ومع ذلك لم تنجح وتم تركيب مسمار صغير في عملية ثانية وبعد شهر ونصف تمت ازالته بعملية اخري واستمرت في الجبيرة لمدة ثلاث اشهر اخري00

الحمد لله علي كل حال الان تمشي بصورة جيدة يعني استمرت في الجبيرة مدة سبع اشهر كاملة
كانت بنتي تريد الاطفال وعندما سألت الدكتور قال مافي مشكله انها تتحرك زي ماتبغي لكن انتي حطي في بالك ان هذي جبيرة وممكن تنكسر

وهذي بعض الملاحظات اللي اقدر اساعدك فيها00

1- انتبهي تتبلل الجبيرة لان هذا يعني تعفنها وخصوصا عند تغيير الحفاض وتقدري تضعي قطن اضافي في الاطراف حتي تغيريه كل شويه عشان مايتعفن0

2- اذا كانت الجبيرة واصلة للبطن انتبهي لا تكون اطرافها حادة تجرحها حاولي اضافة قليل من القطن

3- الحفاض لازم تغييره كل ساعتين او ثلاث ساعات لتجنب التسريب ويتم لبس حفاضين مع بعض

4- اذا كانت عندك في البيت العاب حاولي تخفيها عنها زي المراجيح والدراجات عشان نفسها ماتزعل تبغاها واتركي الالعاب اللي تقدر تلعب فيها

5- انتبهي لا تضرب الجبيرة بلعبة وتكسرها

6- انا كنت ابتعد عن الاجتماعات عشان لااحزن علي بنتي وهي تبغي الاطفال

7- حافضي علي تغذيتها كويس

8- أي مولود لكي بعذ ذلك ضروري تعملي له كشف وخصوصا البنات لان نسبة اصابتهم اكثر من الاولاد

9- طبعا ماتقدري تحمميها لكن امسحي لها جسمها بمنشفة مبللولة وحاولي احد يشيلها لكي عشان تغسلي شعرها 00 انا بنتي مع ان شعرها ناعم لكن تعبني يتلبك من كثرة النومة علي ظهرها



والله يشفيها ويعينك علي تعبها انا من بداية ماتعبت علي طول حملت ومافكيت لها الجبيرة الا وانا في الشهر السابع والحمد لله علي كل حال الله يرزقني برها هي واخوها ويصلحهم يارب


أي سؤال انا حاضرة مع ان ردودي علي المواضيع قليلة لكن من معاناتي مع بنتي اتمني اساعد كل وحدة تسأل والله قبل مايتفعل اشتراكي كنت اشوف مواضيع امهات يسألو وما احد يرد عليهم قلبي يتقطع اني ما اقدر ارد واطمن المسكينة لكن الان انا في الخدمة