بنات ...اللي عاملة قيصري...ارجوا الدخول

حبيبتي الله يساعدها ان شاء الله و تقوم بالسلامه
التمارين للي مسويه عمليه قيصريه ما تصلح على الاقل ال6 شهور الاولى
ولا تحمل شي ثقيل ولا تتحرك بسرعه ......يعني شوي شوي
بس راحه و تغذية صحيه ......تاكل كل شي صحي وتبعد عن المشروبات الغازية و المنبهات و اكثر شي تركز على الطبيعي ..اي شي طبيعي , عصير,فواكهه,حليب,خبزبر،لحوم مشويه ,مرقة اللحم مهمة جدا لتعويض الدم و التائم الجرح...........
فيه معلومات كثيرة , بس تنتبه لنفسها وتخلي الرشاقة بعدين

في بالي اشياء كثير ان شاء الله ما انسى شي

اذا جت تدخل العمليه لا تبالغ بالطيب يعني يكفي بخه على يدها

ويكون العطر باااااااااارد لانها لازم بتتعرض لعطورات واطياب واعظم منها ريحة

المنظفات بالمستشفى ..

بعدين اذا هو تخدير كامل الله يكون بعونها مره متعب فلا تستغرب بتحس بغثيان

ودوخه لمدة يومين طبيعي وانا اول ما صحيت رجعت الغالبيه كذا

يمدحون ابرة الظهر من هالناحيه لان الترجيع بيتعب الجرح ..

تاخذ معها بالشنطه حبوب المص حقت الحلق لان الكحه والشحطه تتسلط بعدالعمليه

وبالذات التخدير العام فكل ما حست انها بتكح او حلقها يألمها تاخذ حبه والمرررررررررره

اهم شي عشان اذا حست بتقريص بالعمليه على طول تشمها طبعا تاخذ قطعه صغيره

وتنقعها بفنجال و كاسه مع ماء دافي لما تذوب تصير خاثره تشمها كل شوي

وعلى فكره المعاناة الحقيقيه بالبيت لانها تتوقف الابر المسكنه (البيتادين )

بس تحرص على تحاميل الفولتارين قويه للالم ..

وقولي لها اهم اهم اهم شي بالموضوع اذاولدت واول ما يمرها الطبيب تنشب في حلقه

يعطيها ابره تطلع الغازات لان 80 % من الوالدات قيصريه يعانون من الالم

اللي تسببه تجمع الغازات بالبطن او الصدر ومن هالنغزات يألمها الجرح

بشكل فظيع..

طبعا بيركبون لها قسطره للبول وغالبا بيكون بعد التخدير بس لو فرضنا انها قبل وقت ما يركبونها

تكح وتاخذ نفس وان شاء الله ما تتألم يقولون خفيفه..

و لا تنسى تذكر الطبيب او تسأله اذا يحتاج تاخذ مضاد للبول لان كثير تجيهم التهابات

بسبب القسطره ولا يكتشفونها الا اذا هلكت الوحده من السكاكين بالبطن والجنوب

وقولي لها ترى دايما المحاوله الاولى للقومه من السرير بتكون فاشله لا يضيق صدرها

ترى عادي بس اهم شي عشان ما تعاني كثير اذا جت تنزل من السرير تكتم نفسها

مع كل حركه واذا تبي تتنفس توقف الحركه الى ان تنجح في النزول من السرير

وقبل هذا كله افضل شي تمسك معها تكايه صغيره او مخده وتضغطها بشكل خفيف على البطن

عشان لا تحس بالم مع اهتزاز البطن وكثير تشوفينهم يمسكون بطنهم بيدينهم مكان الجرح يعني

بس المخده احسن..

وتقول للطبيب يعطونها تحميله للاخراج والغازات (جلسرين)

اعزكم الله حتى لو ماعندها امساك لاول مره طبعا

وتخليهم يعطونها ملين احتياطا لان وضعها ما يستحمل انها تتوقع مايصير لها امساك

وترى نبهيها لنقطه اذا جاها الطبيب تقول كلشي تبيه لان الممرضات لو مهما صار

ما بيعطونها شي بدون اذن الطبيب عاد اذا شافو الحاله مره بيكلمونه ويعلمونه او ينادون الطبيب

المناوب عشان يكتب لهم اي دواء وساعتها بتكون شبعت من الوجع

الافضل ينبههم الطبيب لهالاشياء عشان اذا طلبتهم يعطونها ..

الرشاد تى يلين البطن وينظف الرحم والكمون اليانسون ..............الخ

ونبهيها لحكاية المشي لو دقيقه او دقيقتين عشان لا تجيها جلطه بالرجل لا سمح الله..

ومن يوم تصحى قولي لها تحط مخده تحت ركبها عشان ما تنشد منطقة الجرح مثل

لوكانت الارجل مستقيمه ..

واذا فتحو اللاصق من على الجرح بيقولون لها امسحيه كم مره باليوم بمسحه طبيه

بس بعد ما تمسحه يفضل انها تمسح وراها بقطنه فيها ماء عشان لا يستشم الجرح بريحة

المسحه ولو زادت الاااام الجرح وتقريصه تمسح من ماء المره على اسفل البطن

وبين الفخوذ ومنطقة العانه المهم ما يلامس الجرح عشان لا يتجرثم حوالينه بس..

اكيد نسيت شي بس البنات بعد بيدلون بتجاربهم بالتوفيق

ايه وهي تمشي لازم يكون ظهرها مستقيم لا تنحني عشان لا يلتئم الجرح غلط ..

والله يكون بعونها ان شاء الله شده وتزول بس قولي لها

تحتسب الاجر بكل دقيقه حتى لا يضيع أجرها و بوقت شدة الالم تدعو لطفلها بالصلاح والهدايه

ولوالديها وتعم المسلمين اجمعين وان شاءالله يبارك لها

ويخفف عنها ..

اذا تذكرت شي برجع اقول لك ..

وجزااااااااااااك الله خير على معاونتها وجعله الله بميزان عملك ..

الله يقومها بالسلامه
انا مسويه عمليه ولي سنه ونص والحمد الله
بعد ماتسوي العمليه وترجع لبيتها بالسلامه تطلب من الدكتور يكتبلها معقم للجروح علشان ما يلتهب الجرح عليها
تهتم في نوعيه اكلها وتبعد عن الاكلات المسببه للغازات والامساك واذا كانت من اصحاب القولون تهتم في مثلا شرب نعناع واي شي يهديه عليها
تبعد عن شد البطن على الاقل لمده اسبوعين علشان الجرح مايرجع من اول وجديد بس لذمتي انا ماربطت بطني لاني كنت اتالم مره وتجرب على شد بسيط واذاحست بالم توقف الشد اهم شي صحتها
والرشاقه لاحقه عليها
اي شي ثقيل لاتفكر انها تشيله والتمارين الرياضيه بعد سته شهور واذاكانت سمينه تخفف ثم تسوي رياضه بس اذا حست بتعب في اسفل بطنها توقف اهم شي صحتها
وانا سالت الدكتوره علشان الحمل الثاني قالت يفضل بعد ماتكملين سنه من ولادتك
بس عني انا ماجلتها شوي
دعواتكم لابني بالشفاء

eman&eman
مشكوره اختي على هذه المعلومات...الله يبارك فيك ويسعدك يارب

*************************
سبيعية ذوق....
الله يسعدك دنيا وأخرة.....والله مالوم البنات في محبتك....فيكفي انك على تعبك والآمك..لم تكتفي بالمشاهدة فقط...بل دلوتي بدلوك...ولم تبخلي بما لديك من معلومات...فلله درك من إمرأة...بارك الله فيك وفي أطفالك الذين في رحمك و الذين على الأرض ...وابهجك الله بما يسرك يوم العرض..

candle4005
مشكورة على الرد...الله يعطيك العافية....ويشفي لك ولدك من جميع الأمراض والسقام...وتكحلي ناظريك بشوفته ليلة زفافة....