بنات اللي عندها مكنسة رينبو تدخل خييييييييال

انا ياحلوه عندي رينبو وفعلا حلوه ومريحه
وفي شي مهم ممكن انك لما تحطي المفارش باكياسها للتخزين تسحبي الهواء منها وبذلك تاخذ مساحه اقل في التخزين مره حلوه هالطريقه
وممكن تنفخ لك البالونات ولستك السباحه بثواني
ورهيبه لتنظيف الأسقف والجبس والأجهزه المتنوعه كالتلفزيون والكمبيوتر


وطبعا تعطير البيت الأن خلصت العطور الي اشتريتها منهم صرت احط عطور من هوم بلازا مره روعه


ولو تذكرت شي رجعت لك

والف مبروك على المكنسه تتهني:)

بالنسبة لمكنسة
رينبو مع احترامي لصاحبة الموضوع
جانا مندوبهم قبل سنتين .. واستطاع بأسلوب ( *** العقول) أن يقنعنا بجدواها ... لكن استطعنا بعقولنا أن نخرجه من بيتنا بأسلوب محترم ..
والسبب :
أولاً : المكنسة اسمها ( رينبو ) ابحثوا عنها في الانترنت لن تجدو لها أثرا ، فإلى أي شركة تتبع؟ وأين موقع الشركة المصنعة؟!
ثانيا: أين موقع الوكيل في السعودية وهل له صالات عرض أم أن المكنسة يسوق لها الإخوة الأشوام بسيارتهم فقط!!
ثالثاً: استخفاف المندوب بحالنا ، فيقول : إن بيتك مليان جراثيم وأنتم ما تشوفونها ، "طبعا كل العالم عايش بالطريقة هذي!!" وهذا لا يؤثر على الصحة إطلاقاً، كل ما عليك أنك تهوي البيت وتفتح النوافذ ليدخل الهواء .
ثم إذا تركت هذه المكنسة تنظف الجو - على حد زعمهم - ستنعدم المناعة في الجسم وخاصة الأطفال ..
ومن نماذج الاستخفاف:
يقول المندوب إنتم الآن تشترون جوال قيمته أكثر من ألف ريال وهو جوال.. وفستان السهرة بـ200 ريال!! (على أقل تقدير) فـ 8500 مثلها .. وهذي معادلة متناقضة ، يعني أنتم تبذخون وتدفعون وأنتم ما تشوفون!! تشترون اللي يستاهل واللي ما يستاهل !!
رابعاً: المنتج أمريكي ... ونحن مقاطعون للمنتجات الأمريكية!!
خامساً: السعر مبالغ فيه جداً .. 8500 يساوي 17 مكنسة قيمة كل واحدة منها 500 ريال!!
وحتى لو كان عندك فلوس وأموال طائلة فالإنسان يعرف أين يصرف أمواله .. والله أمرنا بأن لا نعطي السفهاء أموالنا!!
سادسا: يطلب المندوب من كل بيت يمر عليهم أن يكتب 21 رقم بيت يعرفه حتى يسوقون هذه المكنسة ، ويعدونك في حال شرائهم بهدايا قيمة ... وهذا يترتب عليه أمور ..
منها: إزعاج الآخرين على حسابك ..
وتشويه سمعتك عندهم ، لأنه أول ما يتصل على بيت يقول : احنا جايينكم من طرف فلان أو فلانة!!
ثم الهدايا المذكورة صناعتها صينية فأنا مروا علينا وسجلنا لهم 21 اسم .. وصراحة يا كثر ما تفشلنا من الناس بسببهم .. واتصلنا على الشركة وقلنا لهم : تراكم احرجتونا مع الناس ،، رجاء لا تذكروا الاسم عند الاتصال ,,, ومع ذلك لم يراعوا خصوصيتنا ..
وبعد ذلك الهدية المذكورة عبارة عن طقم سفرة صيني قديييييييم جدا .. ومستعدة إني أضع لكم صورته !! وقيمته الفعلية أقل من 100 ريال على تقديري..
]

صدقت اختي دمعة في الحرم ..جاءنا المندوب وانا طاح فكي السفلي من الانبهار ..وما فقت الا لما قال السعر ..

صدق رزق الهبل على المجانين..

مع فائق احترامي للاخوات ..لكن لو وضعت في بناء مسجد او حفر بئر للمسلمين لكان خير ..

حلوه بس للاسف كل الي جربوها ما استخدموها في كل الاغراض يمكن اكثر شي التعقيم والتعطير غير كذه متعبه في الغسيل والكنيس:(

اذا سمحت أختي
ابي رقم المندوب ابيه يجيني