انا محتفظه بوصفات كثير عندي على شكل ملفات وورد والحمد لله اللي طلبتوا شي اقدر افيدكم فيه .. والمعذره اذا ماطلعت الصور .. لو عندي وقت كان حملتها لكم :)

المقادير :

ورق العنب والطبخ بشكل عام يعتمد على النفس، مو النفس الاكسجين لووووووووووول ، اقصد النفس بالطبخ .


مو إذا ماضبط معكم تبهذلوني ، وان شاء الله يضبط معكم وتدمنونه .

مقاديري تقريبيه .

ورق عنب اسستخدم كل العلبه . افضل نوع بالنسبالي العلالي ورقه متوسط وناعم ، جربت انواع كثير مارتحت غير للعلالي .



كاستين أرز أسترالي ( صنوايت ) .





حبتين كبار طماطم بندوره


حبتين كبار بصل .


حزمة بقدونس . تقدرين تقولين مقدار اربع قبضات .


ربع حزمة نعناع . قبضه وحده .


شوية شبنت( اختياري ) . مايقارب ربع الحزمه .





كأس عصير ليمون .


كأس زيت زيتون عصره أولى .

من أربع الى خمس فصوص ثوم أو حسب الرغبه .

ملعقة طعام صلصة طماطم .


مكعب ماجي ( مرقة دجاج)


ورق نعناع مجفف او مفروم طازج تقريبا ملعقه طعام .




ملعقة صغيره بهار حلو .


ملعقة صغيره فلفل أبيض .


ملعقه صغيره قرفه .
http://www.hawaaworld.com/up/get-r60drub0.jpg


ملح .

ماء للسلق .

الطريقه :



ـ اغسلي الخضار وصفيه من الماء .


ـ أغسلي الارز



ـ حشوة اليالنجي شبيهه لحد كبير بالتبوله بس بدل البرغل نضيف الرز . لذلك افرمي الخضار ناعم ، شخصيا افضل اقطعهم بالسكين ماحبذ استخدم المكينه .



ـ صفي الرز من الماء زين واضيفيه للخضار . مو ضروري نقع الارز بس انا أفضل انقعه .


ـ حطي البهارات والملح . ونصف كمية زيت الزيتون ونصف كمية الليمون . والنصف الثاني خليه للسلق .


وهذي الحشوه بعد ماجهزت .







بالنسبالي الافضل ان مقدار الحشوه تكون ثلث رز مقابل ثلثين خضار .






ـ نحضر قدر كبير نسبيا ، ونرص شرائح البطاطس وفوقه شرائح الطماطم . عشان مايحترق القاع .






ـ الحين ناخذ ورق العنب نغسله ونشيل السيقان ( الروس ) .





ولما تلفون الورق ركزوا لازم تحطون الحشوه بالجهه الخشنه اللي عروقها بارزه ، لانك لو لفيتيها بالعكس بيطلع الورق لونه مو حلو والعروق واضحه فيه غير انه بيكون خشن .


http://www.hawaaworld.com/up/get-ley66pve.jpg


حطي الحشوه بالجهه اللي مأشر عليها .


بالنسبه لطريقة اللف . يبيلها شوية شد مو تشدينه بقوه ولا ماراح ينفش الرز براحته وحيتكتل .




حطي الحشوه .


على فكره الحشوه مليانه سوائل ( زيت ليمون ) فأضل اني اصفي جزء منها بالمصفاه عشان ماتعب اثناء اللف ويقعد يقوطر لي .







من ثم لفي الجنبين .







الحين شدي شوي وانت تلفين . والترتيب باللف كفيل انه مايخلي شكله يخرب اثناء الغلي .





وهذي هي .





ونرصها بالقدر .





واستمري باللف لين تخلصين .





وهذا القدر بعد ماخلصت اللف خليهم مرصوصين جنب بعض .





صبي الزيت وباقي الليمون ، وأيضا ماتبقى من ماء الحشوه صفيه وحطيه


.

نجي للخلطه السريه .


دقي الثوم مع ورق النعناع المجفف او المفروم ( ناعم) ، مهم تحطين نعناع ماتتصورين قدايش يعطي نكهه مميزه غير كذا يشيل ريحة الثوم القويه .






ذوبي الصلصه ومرقة الدجاج واضيفيهم للقدر وإذا احتاج ملح اضيفي شوية ملح .







إضغطي القدر بصحن سيراميك او اي شغله ثقيله . واضيفي الماء لين يغمره بهالشكل .





وخليه لين يغلي ، اول مايغلي هدي النار عالآخره ، وخليه ساعه بالتمام.


وهذا شكله وهو ناضج .





بعد ماينضج احب اخليه يبرد اربع ساعات او خمس بعدين اقلبه ، بصحن . واصفه بوعاء بايركس او اي صحن بغطى .





بعدين آخذ الماء اللي بقى واصفيه وارجع اصبه في ورق العنب عشان يحتفظ بطراوته بالثلاجه لحين التقديم .






شوفوا شلون لون الصوص وسمكه لازم مايكون مثل الماء ، تحسيننه مثل الرُب او الصوص ثقيل ومدهن .






غطيه واحتفظي فيه بالثلاجه ، وعاد مو تقدمينه بهالشكل شكله مو حلو ، رصيه بصحن التقديم زينيه بشرحات الليمون . وعادي يقعد بالثلاجه أسبوع طالما راعيتي النظافه .


ويقدم باردا .








وصحه وعافيه .