صدقيني ياعزيزتي انا حاسه فيك ومريت بنفس اللي مريتي فيه ويمكن اكثر مافيه اغلى عندي من امي,,

لكن لاتستسلمين للحزن والشيطان,,الحين لمااستسلمتي لحزنك وبعدتي عن الله مااستفدتي شي المصيبه حلت وانتِ عليك ذنب غير انه ترك الصلاه عمدا كفر اعو ذ بالله..

لكن لو قربتي من الله بالصلاه والدعاء..مات خالك صحيح لكن كسبتي اجر واستفدتي وافدتي خوالك بدعائك..غير كذا الصبر اجره عظيم وماله حد..اقرئي القران وراح تلقين بكل سوره ايه عن الصبر..احسها كانت تخفف علي..

(انما يوفى الصابرون اجرهم بغير حساب)..

قال تعالى: (وعسى ان تكرهوا شيئآ وهو خيرآ لكم)
(سلام عليكم بماصبرتم فنعم عقبى الدار)
(انما يوفى الصابرون اجرهم بغير حساب)
(من يرد الله به خيرآ يصب منه)
(لايقضى الله قضاء للعبد الاكان خيرآله)
مايصيب المؤمن من هم ولانصب ولاحزن الاكفر الله به خطيئه)
(وجزاهم بماصبروا جنة وحريرا)

لاتنسوا اختي الكريمه ان اعلى درجات اهل الجنه منزله الصابرين على البلاء في الدنيا..
والله اذا احب عبد ابتلاه..

فلتفرحي وتستبشري اختي الكريمه فما انتم به من صبر واحتساب..درب الى الجنه باذن الله ومااعظمه من جزاء..

خلي هذه المصيبه نعمه وكفاره ولاتجعليها نقمه تبعدك عن الله او تكون نهايه العالم بالنسبه لك

وقلبي معااااااااااااااااك

اختي بجد حزنت على حالج بس قدر الله وما شاء فعل وكل اللي اتسوينه من ترك الصلاه واستماع للاغاني بس عشان تنسين يمكن اتسوينه بلا وعي بس كل هذا نتيجه للصدمه اللي اتعرضتي لها واذا انتي اتحبينه صج في اكثر من طريقه اتعبرين بها يعني ادعي له اتصدقي عليه اعتمري عنه اللي كان ايحبهم زوريهم بشو كان يوصيج سويه كلنا تعرضنا لصدمه بس زادت ايمانا وهذا الغرض من المصيبه وانا احبج فالله وما ابالج الا الجنه والجنه ما اتيي بدون صلاه فاستغفري ربج وصلي واقري والشمس كل يوم تشرق والحياه تستمر وكلنا فقدنا غالي بس ثبتنا لان المؤمن لازم يكون قوي :) ادري طولت بس قهرني تركج للصلاه

الله يرحمه ويغفر له ويلهمك الصبر والسلوان انتي وكل من فقد عزيز وغالي

خال ابوي توفى قبل شهرين وللحين مااستوعبت انه توفى

يوم رمضان جاء كنت اقول اللحين بيجي يبارك برمضان

وحتى وقت البرد لا تذكرت الطلعات والكشتات اقول ايه

بيجينا وااكمل اسولف وبعدين استوعب انه توووفى

الله يرحمه ويغفر الله

ويرحم خالك وجميع موتى المسلمين

اختي العزيزه
اذكري الله واللي تسوينه حرام واعتراض علي قدرة الله
كلنا بنموووووووووووووووووووووووووووت بس هم اسبقونا
ادعيله الله يرحمه اذا كنتي تحبينه صج
ومعا الوقت بتنسين
والله انا لما مات ابوي ما صدقت وانصدمت بس شنسوي امر الله ولا اعتراض عليه
صلي وانا اختج وادعي ربج يثبتج ترا للحين والله ما شفنا من هالدنيا شئ
خليج معي الله وربي بيكون معاج
اقراي قران واقري عن الجنه ونعيمها ترا ولله بترتاحين
وبعدين نصيحه ارجعي بيت اهلج علي الاقل بترتاح نفسيتج شوي واغراضه تصدقي فيهم عنه وربي يجزاج خير ويصبرج
جارتنا ماتوا عيالها الاثنين بنفس الشهر واحد باوله والثاني باخره ......... شتوقعين صار فيها
الحمد لله ثابته مع انهم ماتوا جدام عينها
وبنت عمتي امها واخوانها كلهم ماتوا بحادث سياره
وااااااااجد الامثله الله يعينا ويصبرنا ويصبرج
والمعذره علي الاطاله ........