اول شي الحمد لله على السلامه تتربى بعزك وجعلها من الصالحات ..
حبيبتي انتي توك عروس ما شاء الله .. وبدري على الخطوات الجريئه .. يعني بما انك ما شرطتي بيت من الاول لازم تطولين بالك وما تصير بالعناد .. يعني كل شي بالتفاهم حلووو.. انتي تقولين برجع له بس بشرط انه يتصل ويجي ويحس فيك وانتي نفاس .. معليش انتي سديتي عليه الباب .. وشكله حاير بينك وبين اهله . خليك الطرف اللين واكسبيه .. صح غرفه واكيد ضاقت بك الدنيا بس شوي شوي على الرجال .. وتوكم اول الدرب لازم تعاونينه. يعني تبينه يقتنع بكلامك؟ لا تخربين العلاقه بينك وبينه .. خليك عسل يسوي لك اللي تبين ... اذا ماااا نفع معه هالاسلوب يصير خييييييير..

ونصيحه لا تدخلين اهلك بوقت الهواش والنقاش .. اذا رحتي لهم شاوريهم واسأليهم .. اما وقت الهواش والشيطان معكم لا تشعلليها زياده .. ولا تطلعين من البيت الا بالشديد القوي ..! خليك عنده اسرع للرضى ويحن عليك اكثر .. البعد يولد العناد والتبلد .. يعني الحين هو عند اهله يعبونه ويحنون عليه .. انتي الخسرانه اذا ابعدتي ..

الله يسخره لك ويخليه لبنتك ويشيلكم بعيونه ..

اولا يالغلا هذا خطأك من البدايه ليش وافقتي ع الزواج كله


ثانيا قدر الله وما شاء فعل

اللحين انتي ملزمه ع البيت طيب قلتي انه يوم بعتي الذهب جاء واخذ الفلوس وبعد نص ساعه جاك


طيب اذا انه مااجر البيت وين ودى الفلوس اللي اخذها ؟؟؟؟؟؟؟؟؟؟


خلاص قولي مادام مافي بيت ابي فلوس ذهبي

انا من رائي دامك مصره ع رايك البيت ف اللي ابقوله اصرارك هذا ماجاء من فراغ

الا من بعد ماشفتي الضيق والحشر

اتركيه اسفهيه وقفلي جوالك

حطيه امام الامر الواقع عشان يجي عند اخوانك ويتفاهم معاهم

وانتي تقولين انه كان يرسل لك رسايل اعتذار وحب >> علشان يطيح اللي براسك وترجعين من غير مايكلم اخوانك


وتدرين ليه مايبي يجي لااهلك علشان مايلتزم مع الرجال بكلام ويروح لااهله ويجلسون يتدعون عليه وانت غبي وانت منت رجال


وتبين الصراحه باين ان زوجك ماهو رجال من كلامه واكثر شي يوم يقولك والله ابوي لو يسمعني لايكفخني بالنعل >> اخس ع الرجال اللي مثل كذا حرام تنقال لهم كلمة رجال لانهم ماهم عارفين من الرجوله الا الثياب والشنب

وبعدين هالعجوز هذي اللي ماتطب بيت ولدها ع قولتها عندها بنات متزوجات وساكنات عند اهل ازواجهن


والا بناتها ببيوت لحال وحريم عيالها عندها >> تخلف

وابو الزوج والله انهم كلهم مثل بعض طيبين لكن تدرين ايش اللي يخرب عليهم الحريم وخصوصا اللي مثل ام زوجك باين انها هي اللي تحرضه الله لايسامحها لاهي ولا اللي مثلها


المهم حبيبتي والله اقولك هالكلام عن تجربه نصيحه لاترجعين الا بيت لحالك وربي راحه

واقل شي لاتهاوشتي انتي وزوجك محد يدري عنكم

مو عند اهله حتى نومتكم يسمعونها >> اسفه بس وربي من القهر

والله يكتب لك وللمسلمين اللي فيه الخير امييييييين يارب

واسفه لو طولت عليك


تقبلي مروري

شوفي اذا تبغي تعزي نفسك لاترجعيله من نفسك
اياك ثم اياك والله انه بيذلك ذل بعد كذا
لأنه باين انه مايخبي شي على اهله وبيفرد عضلاته عليهم وبيقولهم رجعت من نفسها
عاد شوفي اول كيف يعاملوك بعد كذا بيعاملوك اردى واخس
وزوجك للاسف ماهو رجال قد كلمته ولاتقدري تعتمدي عليه اوتحتى تقدري تحتمي بيه
لأنه للأسف حتى لما ولدتي المفروض يجيك المستشفى او البيت يجي يشوف بنته
يعني معقول اول طفل ليه مايتلهف على شوفته ياربي على هالقساوة
البيت من حقك ولاتتراجعي فيه
وبما انه ابوه خالك فشوفي احد حكيم من العيلة يكلمه جدك خالك الثاني قريب لخالك ليه كلمة مسموعة يقدر يتفاهم معاه
او انك تقوليله نحتكم للشرع روح كلم اي شيخ عن وضعنا وشوف ايش بيقول اذا البيت من حقي ولا لا
وعليك بالدعاء والأستخارة وان شاءالله ربي يفرجها عليكي

خلي امك تكلم خالك ابو زوجك لانه اخوها وبيصير التفاهم معه سهل وان شاء الله بتنحل المشكله ..

وتذكري انك نفاس لاتضيقين صدرك وكلي زين وابعدي عن المشااااااااااااكل ..

والله يسخر لك زوجك ويهديه ويخليه لكم ..

وماضاقت الا تفرج باذن الله ..

الله يفرج همك