بنات اللي يعرفون سالفتي الاولى انا العروس اللي تبي تطلق شوفوزوجي رجع لخطيبته

السلام عليكم

شخباركم

انا بمصيبه من عرفت الموضوع وانا خلاص :icon33:

بنات تذكرون سالفتي الاولى وطلع سبب المشاكل خويه ذاك والحمدالله من بعد عنه صار احسن

تذكرون بموضوعي يوم كنت اقولكم يجيب طاري خطيبته الاولى وفي البعض قال يثير غيرتي

المهم يابنات قبل فتره صار عزاء وكانو مجتمعين وكان اخو خطيبته قاعد جنبه ويسولف مع زوجي

وقام واحد يسأل منو هذا قال اخو زوجتي قامو اللي بالمجلس استغربو قالو مو انت تقول زوجتك مالها اخ

قال لا هذا اخو زوجتي الثانيه وجاء وقالي ويوم طالعين يقولي هذا فلان اخوها :44:

وانا طنشت

المهم الاسبوع اللي راح يوم السبت قالي امه تعبت طبعا امه في ديره ثانيه مو بالرياض وانه لقوها تعبانه ومادري ايش

المهم وانه خواته يقولون له ارسل زوجتك تقعد جنب امك تخدمها وهو قال لا زوجتي مابترضى واصلا ماراح تخدم احد على كلامه

المهم قالو له ياتتزوج وحده من نفس الديره اللي هم فيها ولا تأخذ امك عندك

وجاء يقولي وهو مبسوط ويقول مشكلة امي ماتبي تترك البيت حقها وبتزعجني كل شوي ودني وابي اشوف خواتك وبتسوي لنا مشاكل لانه امه قويه

المهم قلت وليش خواتك مايخدمونها في وحده زوجها مسافر امريكا ومايجيها غير كل سنتين او سنه

قال مافي احد من خواتي يتحملها ومايتفهمون ولا يتفقون مع بعض

قلت يعني بنات الناس اللي بتتفق ولاتتحمل امك قلت طيب بنت اختك قال تقول عادي اخدمها بس انها

ماتقعد تصرخ عليها وتهينها

المهم قالي انت وش رايك لو قررو اتزوج يصير هي عندي امي ومااروح لهم غير بالاجازات وانت هنا انا قلت لااااااااا ومستحيل اقعد معاك

وانا كل هذا على نياتي:44:

طلع امه لاتعبت ولاشي وانصدم اشوف يراسل خطيبته الاولى وكلام حب وغزل وهي تبادله وتقوله عجزت انساك

وكثير رسائل تخيلو في يوم اضطر مايجي للبيت عشان العمل وبينام في العمل لظروف وانا كنت عند اهلي

يوم ثاني يوم رجعت وادخل اسلم عليه واقوله اشتقت لك وحشتني مو مثل عادته لا كان بارد معي قلت وش فيك

اقولك وحشتني وابي اضمه وهو ولاهو هنا قال لابس تعبان وانا صدقت وقمت اسوي له مساج وادلعه المهم في هااليوم اكتشفت خيانته اخذت الجوال بحسن نيه ابي انزل برامج وكذا

وتنفتح الرسائل بالغلط واشوف كلام حب وبصراحه نغزني قلبي قمت اقراء وانصدمت وسكت وكل يوم رسائل اقوى من اللي قبلها

الين امس تقوله آه ياعمري ورساله ثانيه آه ياروحي وهو يرد عليها سلامتك من الاه

وترسل له وينك يقولها موجود ياروحي وانا يابنات صاير تعامل معي بأسلوب زفت والله مااسمع هالكلمات

امس يوم دقيت اسأله وينه قال موجود وش تبي

المهم من ضمن الرسائل انه بس يخلص الشغل اللي عندها وبيجي الديره عندهم وانه ترتاح وانه يبيها ومن هالكلام

واضح قاعد يمهد لي موضوع زواجه والله يابنات قام يسوي مشكله من لاشي مثل اليوم دق المنبه وماقام

لماصحى متأخر قام يهاوشني وهو احيانا يقوم متأخر بس ماعمره هاوش بالعكس من يوم رجع لها وصار تواصل بينهم وهو تغير علي بكل شي


بنات فيني قهر وغصه وهو بنفسه يقولي انت احلى وكل شي بس مادريت انه سوا كذا عشان عمه يوافق على زواجه من بنته لان قبل رافض والحين لما شاف بنته تعبت نفسياتها موافق يزوجهاله

بنات قبل والله تعبانه من الحمل ولاقالي كلمه حلوه مثله وامس من شفت رسايلهم اللي تشيب الراس والله ماقدرت امسك حالي

احترت اوجه واطلب الطلاق ولا اطلب الطلاق وخلاص واصلا اهلي عرفو ببعض تصرفاته وخلاص يقولون لو جيتي عندهم ماعاد بيشوفني

والله من امس الليل للحين دموعي ماجفت ياليتني متزوجني لي سنه والله ماكملت اربع اشهر :icon33:


كلامي مخربط ماعاد ادري عن شي احس دمرني هالانسان


آآآآآآآآآآآآآآآآآآآآآآآآآآآه بس احس بانهيار والم في جوانبي دعواتكم لي ان الله يكشفه لي