بنات المانيا وبالذات الي في (جينا او يينا) ياريت تساعدوني(ضعي سؤالك في تجمع المانيا)

السلام عليكم صبايا

صبايا الصيف جاي احتمال زوجي يطلعله سفرة على المانيا لمدة 3 شهور (رحلة علمية) على مدينة جينا او يينا كما يلفظها البعض حاولنا السنة الماضية

بس ماصار نصيب والسنة هاي قدمنا الها وان شاءالله انها بتطلع

خلاصة الكلام زوجي بده يوخذني معه وحاب انه نروح معه ال 3 شهور احنا والاولاد

بس عندي اسئلة كوننا راح نكون هناك انترناشونال هل ممكن اني احط اولادي بحضانة خلال هاي الفترة

او في مدارس بتعمل دورات صيفية لاعمارهم 5 سنين و3 سنين ونص

وكم تكلفتها .

سؤال ثاني سمعت انه في اماكن تسوق للstudent باسعار مخفضة مزبوط هذا الكلام


وسؤال ثالث مين فيكم عايش هناك لانه لو رحت راح اضل لحالي. فان صار نصيب بلكي تعرفنا

على حد موجود هناك

طبعا زوجي بحكيلي تعالي اخر شهر مشان نخلي الاولاد عند الاهل بس انا رافضة لانه سافرت مريتن

وماكنت اخذهم معي واحس انها اطباعهم متغيرة واحس في صعوبة معهم بالمعاملة

ياريت تجاوبوني على اسئلتي وتساعدوني

وهاي احلى وردة للي بتساعدني :26: