بنات المدينة المنورة اتفضلوا

السلام عليكم ورحمة الله و بركاته
كيف حالكم يا قماري
انا عبق الذكريات من المدينة تخيلوا يا بنات اتعقدت من المشاغل اروح يا الاقي زحمة وزوجي يخاصمني او هما عندهم زحمة ويطفشوا والله رحت لمسات يوم فرح اخت زوجي من الساعة 3 العصر خرجت 12 بالليل والله ما ابالغ وكانت سميره تبغا تحط لي المكياج وكل ما اقلها ما جا دوري تقلي لسه ويجوا ناس ودخلهم ما ابغا اسمي المشاغل عشان ما اضر بسمعتهم بس والله اتعذبت مره رحت مشغل اعمل تنظيف بشره قالتلي 250 ريال قلت طيب والله حطتني قدام البخار وراحت تتلكم مع صحاباتها وانا اخاف من الاجهزة وبعدين جات حطت كريم ومسحت وجهي وقالت خلاص ترى في نص ساعه خلصت وجهي لسه في بثور سوده ما خرجت المشكلة استحي اتكلم مافي مره رحت مشغل ورجعت مبسوطة وقلت ابغا ارجعله ثاني

اسفه طولت عليكم بس فكرت اني افتح مشغل واعمل كل اللي كان نفسي فيه واللي عندي يا يشتغلوا باخلاص يا بلاش وهم شي معاملة الزباين اكره شي عندي لمن اروح مشغل وتكتبلي البنت اسم اللي حتعملي تسريحة وتيبني واجلس انا ادور عليها اكره هاذي الحركة احس اني غبية المفروض تكلف احد من الجالسين اللي يشتغلوا عندها توصل كل زبونة عند الكوافيره حقتها ايه رايكم تشجعوني افتح صالون تجميل انا ما ابغا اقول مشغل كلمة مشغل احس انها تشغلني عن ربي
تشجعوني ولا لا يا قماري واذا تشجعوني قولوا اللي يضايقكم من صالونان التجميل عشان اتفاداه وشكرا على استماعكم لا تبخلوا عليا بالرد