بنات المدينة تعالوا بأسالكم عن الدكتورة عزة؟؟؟؟؟

والله أنا سمعت إنها ممتازة يا أخت دودا الأمورة وأضم صوتك لك ، فياليت اللي تعرفها تنزل رجيماتها لأن أسعارها غالية كما سمعت ، وأظن الرجيمات وحدة للكل مع إختلاف سعرات فقط

والله اسعارها غالية بس اذا تستاهل معليش
الكشف ب 200 والمتابعه كل اسبوعين ب100

أنا رحت عندها قبل حوالي سنة لكن عكس موضوعك كان عندي جرثومة بالمعدة وتعالجت منها وبسبب الجرثومة نزلت 15 كيلو وقلت خليني أروحلها ترجع جسمي متل أول ولو جزء منه تجلس تتكلم ساعة وبعدين تقيس الوزن والطول وتعطيك أوراق فيها نظام أكل بطريقة أنك تضطري تزوريها يمكن فوق عشرين مرة وطريقة كلامها أبداً ماتحمسك أنك تزيدي ولا تنقصي كأنها تقول أنتي بكيفك اللي في راسك أعمليه و مالي دخل فيك وبصراحه مشيت عليها فترة وماشفت أي نتيجة غير أنك تدفعي فلوس على الفاضي في كل زيارة .وبعدين يمكن حظك يطلع حلو ويمشي الحال معاكي أيش خسرانه روحي وجربي

زعلانه مشكورة على مرورك بس عندي استفسار نزلتي ال15 كيلو برجيم وكم كانت المده؟
هل تطلب منك تعملي رياضه او تشتركي بنادي ولا على كيفك؟
يعني قصدك انها ما تدرس طبيعة جسمك وتعطيكي اي رجيم؟؟؟؟
عارفه اسألتي كثيرة بس والله محتاجه جوابك

عيوني أنتي فهمتي الموضوع بشكل عكسي أنا رحت حتى أرجع وزني وأزيد اللي راح منه ويومها رحت وأخذت أخويا يشتغل في المستشفي وفاهم شغل الدكاترة وجلست تتكلم معاه وطول الموضوع وهو قصير وأذا ماني غلطانة قالت أنها تشتغل في الجامعة في قسم الأحياء وقالي أخويا هادي بالها طويل لا اللي بده يسمن يسمن و لا اللي بده ينحف ينحف .
لا تقولك أشتركي بنادي ولا حتى توصفلك حبوب ولا تدرس طبيعة جسمك كل الي تعمله تجلس تتكلم عن الهرم الغذائي وكل قسم فية كانك في محاضرة أحياء وأذا معاكي أحد فاهم في الطب زي أخويا تجلس توجه الكلام كله ليه وتتفلسف شوي بعدين تقولك قومي أوقفي على الميزان وتقيس طولك ووزنك وبعدين تقيس محيط اليد وبعدين تعطيك ورقة فيها تحاليل وتقولك أذا بدك تعمليها عندهم ولا في مختبر خارجي أعمليها مابدك أنت حره أنا قالتلي يمكن عندك زيادة أفراز في الغدة الدرقية والحمدالله ماطلع عندي شيء وتعطيك اوراق فيها نظام أكل كل وحده على حسب السعرات الحراية تختلف وتجلس تقراها وتشوف أيش اللي تاكليه تخليه واللي ماتحبيه تحذفه وبعدين تقولك أشوفك بعد أسبوعين وأذا مالقيت نتيجة تكرري الزيارات وطفشت منها وطنشتها وأتبعت نظام من أحدي المنتديات والحمدالله دحين تمام لكن وبكل صراحه هي طيبة لكن ماتشجع أبداً وأختي كانت ناوية تعمل عندها رجيم لكن بطلت وزي ما قالت ألأخت نهر الجنة أنه الأوراق هي نفسها للكل وهذا اللي لاحظته لأنها قالت للي جالسة على جهاز الكمبيوتر عندها طلعيلي نسخه من اللي فيها عدد سعرات كذا . وأنا قلتلك كنت عندها قبل حوالي سنة للآمانة يمكن دحين تتطورت شوي روحي وشوفيها ومن أول زيارة يبان كل شيء
ويارب تنزلي الكم كيلو وتخلصي .