Linday :

انا حامل الآن ومثلك مرررررره محتاره :'( انا اشوف ان اغلب الي في المدينه يولدو إما في الاحمدي او المطبقاني (المدينه الوطني) او المواساة او السعودي الالماني اما بالنسبه للحكومي طبعا الولاده او احد او العسكري انا ولدت مره في المطبقاني ..المستشفى رائع من ناحيه خدمات وامكانيات ..بس حسب تجربتي والي اسمعو غالبا يستعجلو و يولدو قيصري .. ولدت المرة الثانيه في الولادة (حكومي) ..طبعا الحلو انهم يصبرو عليك وخبره ..بس من ناحيه المعامله والخياطه انتي وحظك .. هذي المره اراجع في المواساة .. ومحتارة بينها وبين الولادة .. هذي تجاربي ..بالنسبه للي اسمعه .. السعودي الالماني مثل المطبقاني يستعجلو ع القيصري .. عشان كذا ابدا ما افكر اروح له .. اما الاحمدي كثييير يمدحو الولاده الطبيعيه فيه بس المستشفى احس ان مافيه الامكانيات القويه مثل الالماني والمطبقاني والمواساة .. اخاف اني اتعب بعد الولاده او البيبي يتعب ونحتاج شي يكون مو متوفر عندهم .. بالنسبه لي ما اقدر اني اامنهم على حياتي وحياة طفلي بالنسبه للمواساة كثير اعرفهم ولدو طبيعي ماشاء الله في المواساة ويمدحو المستشفى والدكتورات الي موجودات هناك .. بس ماجربت بنفسي عشان كذا ما اقدر احكم .. بالنسبه للحكومي ..طبعا كثير اسمع يمدحو العسكري .. بس اعتقد خاص بالعسكر الي تابعين لوزاره الدفاع اذا ما كنت غلطانه .. وبالنسبه لاحد و الولاده اسمع ناس تمدح احد لان الزحام فيه اقل من الولاده ..بس انا ارتاح للولاده اكثر .. يمكن لانها مستشفى متخصصه في النسا و الولاده فقط .. يااارب ييسرلنا ولادتنا وييسر لنا الي فيه الخير لنا ولاطفالنا يااارب

انا حامل الآن ومثلك مرررررره محتاره :'( انا اشوف ان اغلب الي في المدينه يولدو إما في الاحمدي او ...