بنات المدينة ولدت في المواساة تعالوا احكيلكم

السلام عليكم ورحمة الله وبركاته
كيفكم يا بنات المدينة وحشتووووني
طبعا انا والدة من شهرين لكن يا حوامل لمن تولدوا ما راح تلاقوا وقت تحكون شعركم مو عشن تكتبوا موضوع:42:
المهم أنا ساكنة في الرياض واهلي في المدينة فكنت أراجع في الحبيب وما ادراك ما الحبيب!!
ودي يفتح فرع في المدينة صراحة مستشفى راااااااقية بمعنى الكلمة
الولادة اولا وأخيرا تساهيل من الله فمن البداية ما تعلقي قلبك بمستشفى أو دكتورة معينة
لكن الحلو في هالمستشفى الخصوصييييييييية عيادات النساء والولادة ومستشفى الولادة كلها منفصلة عن باقي العيادات في مباني مستقلة.
الاشعة التحاليل الاستقبال كله نساء .
هذا احلى شي في المستشفى ناهيك (حلوة ها الكلمة متعوب عليها!)ناهيك عن الأطباء الماهرين واحترام المواعيد والكلمة الحلوة والاستقبال والتعامل الراقي تخيلي قبلها بيوم يذكروك بالموعد ويتصلون عليك !!
واعيد وازيد التسهيل من الله لكن هذا الجانب مهمل في اغلب المستشفيات ما في حرمة للمريض وانا مرررة استحي يابنات:44: يكشفونك وما عليهم لو احد يشوفك
المهم اتأخرت شوي في السفر رحت نهاية الثامن (آخر يوم بالضبط) وكان ايامها أمطار الرياض والمطار مقفل اضطريت ارجع البيت وانتظر لين نلاقي رحلات والجو يصير احسن
دخلت التاسع وانا ما سافرت كنت خايفة اولد بعيد عن ماما حبيبة قلبي:icon33:
المهم سافرت بعد 4 ايام من بداية التاسع والله يابنات وصلت الصباح ؛ الظهر دخلت المستشفى نزلت عليا المويات بكثرة!!
مررررة ماكنت مستوعبة لكن شوفي رحمة ربي أول ما وصلت لامي ولدت وقبل ما يسافر زوجي
المهم رحنا في البداية الاحمدي عند امل وأنا كنت ابغى فوزية كشفت عليا وهي طفششااانة تقولي بطفش(اطلعي ع السرير ورايا 7 حالات!!) كأني جايتها مجاني!!
المهم كشفت عليا قالت انت ما عندك ولادة عندك التهاب خذي هذي تحاميل وتعالي بعد اسبوعين!!
والله يا بنات عبايتي مليانة موية وهذي تقولي ما عندك ولادة!!
رجعت البيت والموية ما وقفت قال زوجي خلاص نروح المواساة
رحنا كانت المناوبة غادة كشفت قالت هذي ولادة!! صح انه مافي طلق والرحم مقفول بس خطر ع الجنين نزول المويات
اسوأ شي في المواساة الطوارئ تخيلوا بنات ما بين السراير و استقبال الرجال الا ستاااير!!
يعني قمة التكشف وصراخ الحريم كله عندهم!!
طبعا انا صرخت في الكشف الين ما انبح صوتي!!:09:
صراحة الكشف اصعب من الولادة !!
المهم طلعوني غرفتي قالوا نستنا عليها الطلق الطبيعي 24 ساعة اذا ما ولدت نعطيها صناعي
مرت ال24 وما جا الطلق وبعدها عطوني الطلق( عبارة عن تحميلة) عطوني الظهر ما ولدت الا اليوم الثاني الصباح:icon28:
كله خير الحمد لله بعد ما ولدت بنجوني بنج كامل عشن الخياطة وهذا احلى شي الصراحة
ما صحيت الا وانا في غرفتي
بس عملولي حركة في الولادة ما انساها لهم
تخيلوا بنات الرحم فاتح 9 س ويقولولي مافي ولادة وانا احس ان الطفل يدف نفسه واذا فتحت رجولي تصرخ عليا الممرضة تقول لا طبقي رجولك ونام ع جنبك!!!
طبعا انا بكرية مادري سمعت كلامها
وسابوني لوحدي قريب ال10 دقايق الى ربع ساعة والالم هدني هد تخيلوا بنات جاية من السفر مواصلة ويومين مافي نوم في المستشفى و19 ساعة طلق خلاص منتهههههية
هنا رفعت بصري وقلت يارب مالي غيرك كان نفسي انادي امي بس امي من النوع اللي ما يتحمل فحلفتها بالله ما تدخل.
بس وجات ساعة الفرج وماحد جنبي صرخخخخخخخخخخت عليهم عشن يجوني قلت براااااااااااااااااااااااااااااااااز لأن الولادة مثله تماما فقلت خليني اجيبهم غصب!!
جوني كلهم يجروا جري واول ما دخلت الدكتورة وجلست تحتي ولدت ع طول في ثواني الحمد لله لأن الطفل من أول يدف نفسه بس هي ما جاتني من البداية
الحمد لله ما طاحت بنتي ع الارض بسببهم:angry2::angry2:
والحمد لله ولدت بالسلامة:icon28: وجبت احلى امل
امل حياتي ربي يحفظها.
لاحد يقولي الاسم قديم أحبه لأن معناه روعة وينعش الروح (ميرندا ع غفلة!!:))
المهم ولدتني الدكتورة ايمان ماشي حالها لكن كان نفسي في هالة بس ماكانت نوبتها صراحة هالة اخلاق وابتسامة وصبووورة وتشجعك طبعا هي كانت معاي طول الليل الى ان خلص دوامها راحت وجات ايمان وهي ولدتني
المستشفى من ناحية النظافة كويسة مررة ما شا الله والخدمات كمان كويسة يعني المستشفى بصفة عامة لا بأس بس المشكلة الطبيبة المناوبة اللي تولدك مو ع كيفك وكمان زححححمة يعني يكون في نفس الوقت 9 أو 10 حالات ولادة
والحمد لله وهذي قصتي يا حلوين واي استفسار انا حااااضرة