بنات المدينه ابغى قاعه لشبكة بنت اختي

اللهم صل وسلم على نبينا محمد ..

حبيبتي ُ ادخلي منتديات المنطقـه نفسها
وتلاقينهم يحطوون اسعار
ودعاايات ..

يسعدك ربي

عندكم فكره ياحلوات

رفع

!!!!!!!؟؟؟؟؟؟

مرحبا خيتو .. طلبك عندي

في قاعات كتير ياقلبي تنفع تكون للشبكات ..
1- قاعه رتاج طيبه على الدائري التاني جنب النور مول بالزبط .. قاعه جدا فخمه متوسطه الحجم وسعرها يتراوح من 30 الى 45 على حسب عدد معازيمكم
2- قاعه الوليد ايضا كمان فخمه بس مو افخم من رتاج طيبه ومتوسطه الحجم تنفع تكون للشبكات على الدائري التاني قريب من مكتب العمل وسعرها ما اعرف للاسف
3- قاعه الديوانيه متوسطه الفخامه في مخطط الملك فهد سعرها 20 الف
4- قاعه ذكرى فخمه كمان على الدائري الثالث وسعرها ما اعرفو للاسف
5- قاعه ليله زفافي فخمه جدا متوسطه الحجم سعرها 62 الف او حسب عدد المعازيم موجوده بقرب مجمع بن داوود
6- قاعه ليله عمر فخمه كبيره الحجم سعرها يتراوح من الستين للسبعين الف
7- قاعه قمه المدينه فخمه جدا متوسطه الحجم سعرها يتراوح من الخمسين للسبعين الف

وعموم القاعات يختلف سعرها من ايام الاسبوع عن نهايه الاسبوع حتى بالاجازه الصيفيه وكمان عدد المعازيم يأثر لانو الميز يكون على عدد المعازيم فغالبا هوا اللي يأثر في سعر القاعه بالاضافه للكراسي ..

ايا خدمه راسليني ع الخاص واردلك ياقمر