صباح الخير يا بنات
tagee حبيبتي تراي استغربت من سؤالك لإن حولي ملاقيف واجد من قريبنا يبغون يعرفون اسمي في المنتدى

المهم حبيت افيد البنات المليونيرة حلو شغلها في المكياج و الشيء الطالع تعرف له
قبل فترة رحت لها و استغربت من رسم العيون اللي تسويه للزبونات
قالت لي هذا الطالع الرسم الفرعوني للعين وفعلا بعد فترة لقيته في المجلات انه هو الموضه هالسنه بس عيبهم ما عندهم غير وحدة تسوي تسريحات الباقي بس للإستشوار
المشاطه فيه بنات كثير يمدحونه في المنتدى يقولون حلو بس ما عمري رحت له

فرحة قلب
حبيبتي انا ماسألت عن اسمك ولاشي بس حبيت اعرف مكان الفرح فقط لاغير عشان اقدر اساعدك باللي اقدر عليه وانا صحيح اني من اهل المدينة حق بس انا دحين في الرياض لاني من 6 شهور تزوجت وزوجي من الرياض يعني لاتخافي انا لاقربلك ولاشي وما أظن اني اقربلك لانه لهجتك غير عن لهجتنا نحن اهل المدينة
سلملم

حبيباتي انتبهوا ترى انا مجربة وبحذركم
والله ماشفت غير البلا من التنظيف عند الكوافيرات بس انا كنت ماسكة برنامج عندهم المهم تركتهم عشان الالخصائية سافرت وتعالوا شوفي وجهي صار شوارع يفجع حبوب وزيوان وحبوب بيضاء المهم وقعدت اتعالج منها حوالي 5 شهور والحمدلله ماصرت اروحلهم ابدا انا انظف بنفسي واذا مرة كانت بشرتي محتاجة اروح يعني كل 4 او 6 شهور مرة واحدة بس
وعقلكم في راسكم تعرفوا خلاصكم انا ابرأت ذمتي والله على ماأقول شهيد
سلملم

السلام عليكم
tagee لتكوني صاحبتي :D صاحبتي اتجوزت وراحت الرياض من نفس الفترة تقريبا
وكان جوازها في القمة<<< انا ما عندي مشاكل لو طلعتي تعرفيني هوا انا ايش بأسوي يعني :D
والله من جد تعبتي نفسك في الشرح جزاكي الله خير
تعرفي انا سمعت عن مكياج دنيتي يقولو مرة روعه
وطبعا أأكد على كلامك انو فرحة قمة لكن انا ما رحتلهم من زمان
انا سرت اروح لمسات واحسن وحده هناك تسوي مكياج ودايمن تسوي مكياج العرايس مواهب
وكمان عندهم رانيا تسوي مكياج حلو
وميسا لكن لا تخليها تلبخ خليها تخللي المكياج نعومي لأنها فنانة لكن تحب التلبيخ هعهعهع
شوفي والتسريحات والله هلكونا في التسريحات البايخه انا مرة ما يعجبني اي شي
واكره انو يكون شعري مرة قاسي او مليان بخاخ احبو يكون تسريحه لكن مريحه
والله اغلب الاحيان اخرج ماني مبسوطة مرة من تسريحتي الا لو كانت استشوار مع شوية لف عالاطراف او استشوار على برا
وافنان احسن وحده تسوي تسريحات وتسوي للعرايس لكن تركت لمسات وسار عندها محل لحالها اظن في بيتها
وبالنسبة للتنظيف ايش طريقتك بالله افيديني
انا ماحب الشمع يقولو انو يرهل البشرة بعد فترة
اظن انو احسن شي الفتلة والشريفة تسوي الفتلة مرة كويسة والله
وكمان التشقير عندها حلو انا ما جربتو على نفسي لكن على اختي وقريباتي

يالله كلامي مرة كتير معليش هههههههههههه
نسيت اقولكم على محل ملابس كمان كويس
انتي قلتي على الدخيل صح فيلو محل اسمو اي ام اتش مررررررررة حلوة فساتينو
وكمان المحلات اللي قلتي عليها حلوة
لكن في محل كمان يعجبني
في قبا في مجمع قبا الدور التاني
محل اسمو عبير
احيانن يجيب فساتين مرة روعة
والله اخدت من عندو فستانين خطيرين
روحي وشوفيه امكن يكون جايب شي حلو