tawasul :

انا بعد اتيد كلام البنات ع المواساه بس عيبهم غلاهم الطبيعي قريب خمس الاف والعملية طنعش  والتطعيم عندهم اعتقد يوم الاتنين يعطوك موعد مراجعه للبيبي للتطعيم ويطعموه من يدو ورجلوو طبعا بحسابه   دكتوره ماجده ماره حبوبه وامينه بس هي استشاريه ماتولد طبيعي وفيه الدكتور ايمن عفيفي ورضا استشاريين الدكتورات اللي يولدو طبيعي غاده مصريه وهاله اعتقد شاميه ورفيده سودانيه ومها مصريه هذول اللي شفتهم حاليا وفيه ايمان لها عياده متل ماجده طبعا انت وحظك الدكتوره الموجوده تولدك ماتختاري انت  نظافه واهتماام عندهم والغرف مي مشتركه كل مريضه لها غرفه فيه جناح وفيه غرفه صغيره وكلو بحسابه طبعا لو حبيتي تطلبي بعد سرير مرافق بعد يوفرون لك بحسابو  يحطوك بغرفتك وقت الطلق لحالك واذا فتح الرحم يطلعوك ع كشك الولاده عندهم الكمام الاسود  ويعطون مسكنات اي شي تبينه اطلبيه من دكتورتك اللي تراجعي عندها خليها تكتب بملفك  وبالاخير الولاده تساهيل ولادك الاولى تختلف عن التانيه وهكذا دائما البكريه تلد وتنام ماتدري غير هي بغرفتها اما بعد كذا لا😁 اتمنى افدتكم 😊

انا بعد اتيد كلام البنات ع المواساه بس عيبهم غلاهم الطبيعي قريب خمس الاف والعملية طنعش  والتطعيم...

كِندآ :

شوفي ياعسل أنا اليوم مخلصة الأربعين يعني من قريب الحمد لله وولدت في الألماني وكمان زيك بكريه بالنسبه للاهتمام وقت الولاده وبعده مره ممتاز ومايستعجلو علييك أبدا في العمليه والله أنا انفتح عندي الرحم 10 والطفل مانزل للحوض وصبرت عليا الدكتوره وقالتلي احتمال في عمليه عشان الطلق حامي على رأس مولودي وصبرت عليا فتره والحمدلله ولدت طبيعي .. والخياطه والله ماكنت ادري عن شيء بالذات اني بكريه بس وكلت أمري لله وكانت مره تمام يعني انتي اهتمي فيها وماتخلصي الاربعين الا وحالتك ممتازه اما بالنسبه لنظافة المستشفى كويسه وحتى اذا طلبتي تنظفي الحمام وانتي بكرامه يجونك والاهتمام بالمولود حاجة تانيه أنا لما ولدت صار لي يومين مانمت وباخر الليل كنت ابنام وخايفه على طفلي من الحضانه والعاملات هناك بس يشهد الله انو اهتمام ورضاعه جيده وجدا كمان ونمت وانا مرتاحه مع انو كل شوي ناطه عندهم اطمن ع البيبي وبالنسبه للتطعيم طعموه قبل اخرج من المستشفى بس مدري ايش ناسيه واعطوني موعد لتطعيم الدرن بعد اسبوع بالنسبه للدكتوره اللي ولدتني : رشا وقسمن زي العسسل وكمان باشرو علي قبلها(لانو طووولت تقريبا 12 ساعه واكثر) دينا وسهى وربي حتى الأخلاق تهبل وبالذات دينا.. ومعلومه يمكن تفيدك: أنا استخدمت ابرة الظهر والله رحمه بفضل الله والحمد والشكر له طبعا باشراف دكتور التخدير وكل شوي يجي يطمن على وضعي واذا طلبتيه كمان يجي وبس هذا كل اللي عندي لانو لما كنت زيك كنت احتاج معلووومات عن المستشفى ومريت بالتوتر فعشان كذا كتبت كل هذا من جوا قلبي دعواتك ليا ولولدي وكل اللي تستفيد تدعيلي سبحان الله وبحمده سبحان الله العظيم

شوفي ياعسل أنا اليوم مخلصة الأربعين يعني من قريب الحمد لله وولدت في الألماني وكمان زيك...