لعيون بنات المدينة

بنات المدينه انا ناويه افصل مطبخي 4في 4 تقريبا
ايش رايكم في مطابخ بنوراما الي في الهجره لقيت عندو نوع بلمعه قالي فورميكا المتر ب700
وقال الرخام المتر ب300

موعارفه كيف شغلهم مين جربت تفيدني الله يسعدكم
وكمان سؤال انا حطيت كيشاني المطبخ والارضيه سكري والحزام فواكه يغلب عليه اللون الاحمر
وناويه اختار المطبخ نفس لون الخط موف ايش رايكم يناسب اولا صاحب المحل قال عادي وابغى رايكم

سلام يا سكاكر

اهم شي ابعدو عن مطابخ ذكرى بالعزيزيه

لا ذمة ولا ضمير سويت عندهم مطبخي كلفني 13000 والمساحة جدا صغيره كاونتر يمكن 2ْX3

لعب بلعب والابواب طاحت من بدري غير انه ما التزم باللي طلبته ولا جاء للتعديل

والان نتصل ولا يرد

اللهم بلغت اللهم فاشهد

حبايبي انا فصلت عند العلياء وبكللل صراحه الموديل والمقاس وكل شي اخترته الحمدلله طلع متله تماما بس للاسف التركيب ماعجبني بعض الابواب للدولاب الواحد اطول من التاني والدولاب الطوييل فيه عيب انفك الالمونيوم من الزاويه وكل ما اكلمهم للصيانة يعطوني موعد واستنى ولا يجي احد يمكن 3 او 4 مرات وعود عالفاضي بس للامانه خامتهم ممتازة وسعرهم معقوول كلفني المطبخ 7000ريال قبل سنة

نصيحه العليان لا احد يفصل عنده ابوابه طاحت عندي من جد بس اسم

اختي فصلت عند اليسر احسن من العليان ونفس السعر تقريبا