بنات الناس-رساله الى كل قاضي

بسم الله الرحمن الرحيم

هذي رساله اكتبها لكل قاضي سواء عندنا او في اي مكان بالوطن العربي لان يتقو الله ..القاضي اعطاه الله امانه وهي رفع الظلم والتحكيم بين عباد الله رسالتي الى القاضي الي ينظر للامر انه عمل "ومش حالك "او انه منصب او انه كل مازاد صرامه بيكون له قيمه والله ثم والله ان الله خصهم بهذا المنصب ولاكني اتسائل ليه يضيعون حقوق الناس واخص بهالشي حق المراه والاطفال...انا مريت بتجربه وغيري كثير..انا مالي ذنب اذا بغيت الستيره واعرست ومالي ذنب اذا طلع الي تزوجته مو متربي او قليل نخوه...ماذنبي اذا طلبت الطلاق وتعلقت سنوات وسنوات بلا مصروف او بدون مايتم الطلاق...ايش ذنبي اني انجب طفله اتحسر باليوم كل ثانيه ومع كل نفس اتحسر اني جبتها لاني عارفه انه اول ماتصير 7 سنوات راح يقلعها من قلبي وبيذلني عشان اشوفها ولا تقولون لي اشتكي ومااشتكي لانه بيصير معي مثل ماصار مع غيري الزوج واهله بينكرون انهم طردوني اني اشوفها او بيقولون بنتك مو موجوده ..ايش ذنبي اتحسر كل ماشفت بنت بعمرها تدرس ومجتهده بدراستها وانا بنتي مثل الكلب الله يعزكم من بيت عمتها لبيت عمها محد معطيها وجه وكلن يتصدق عليها...انا ايش ذنبي اني احرم نفسي من الزواج مره ثانيه عشان محد يشاكيني في المحكمه ويبهدلني عشان ياخذ بنتي وهذا حال كثير من المطلقات تخشى الزواج مره ثانيه مو خوفها من الفشل بالتجربه الثانيه ولاكن لانه ماتبي تكونش حجه او ذريعه وياخذون عيالها منها.....القضاه المفروض يحطون قانون الابناء عند امهم لسن 18 سنه ترعاهم وتربيهم لا تقولون لي الشرع اول كانو الرجال غير اقلها فيهم نخوه ويرعون عيالهم الان شوفو النماذج الموجوده مافي اي تحمل مسؤليه حتى المصروف بالحسره هذا مااعتمد على زوجته تقعد تدفع عنه اجار الشقه وتامن له مصروف جيبه...الا من رحم ربي...انا اتكلم لاني انا انحطيت بهالوضع وغيري كثير بعد مرو بتجارب اسواء واسواء ودايم يقولك البنت عند ابوها والام تتبهدل ماتشوفها وغيره ...ناهيك عن الحركه الجديده الي طايحين فيها بعد...وانا متضرره منها

يمسك اوراق البنت يعني انا انذل عشان يعطيني ورقه وللاسف حتى عند الشيخ يبيلي كم جلسه يالله يعطيني الشيخ وجه عشان اخذ بطاقه عائله او اي ورقه ليه لان مافي قانون يعطي الام حق الولايه على عيالها "او حق انه يكون عندها نسخه من اثباتات عيالها وتستلمهم عن طريق المحكمه شخصيا",او حق انها تطلع اثباتات للطفل او جواز..تقعد مربوطه يا انها تتصل بطليقها طبعا عشان يسم بدنها او اهله وتنذل اكثر واكثر...بتقولين اهلك يكلمونهم اقولكم ماصار الطلاق الا بطلوع الروح مشاحنات والاهل اكيد مو واقفين بصف الزوجه او الطفل بالعكس بيكونون ضدها وبيهاجمونها حتى بسمعتها ....وبيتلذذون انها محتاجه شي منهم...الامثله كثيره ...اتمنى ان الكل يتقي الله في بنات الناس وفي الاطفال....لان محد بيرعى طفل مو طفله ماله الا الله ثم امه نزع الاطفال من امهاتهم انا اعتبره انك تيتم الطفل وامه حيه...واكثر خوفي من الله اني لو خليت بنتي عنده ونسيتها وتركت المشاكل لان مافيني ادخل اهلي بمكائده ومشاكله ...يجي يوم اشوف بنتي بوضع يحرق قلبي او اتحسر انها ماتربت عدل او ماكلمت تعليمها او تسئلني ليه تخليتي عني وانا والله ثم والله لا بيدي لا حل ولا ربط ولا قانون يحميني ويحميها...وخوفي من الله قبل كل شي اني تركتها مع ظالم قبل كل شي ظلمني وانا بنت ناس وراي اهلي ومتربيه فا شلون بيعامل طفله من الحين قاعد يعاند باوراقها وبمراجعاتها للمستشفى ويمن بهالصدقه الي يعطيها....وانا الان ماصار عندي طموح بالحياه ولا افكر باي شي غير اني اشبع من بنتي قبل لا تنتزع من احضاني....


انا ماقدر اكمل اكثر لان احس الدم بيتفجر بعروقي من القهر الي احسه والحسره وعيني تدمع...اسئلكم الدعاء لي ولابنتي ولكل بنت ناس انكوت بهالنار