بنات الى ولدوا من حقن مجهرى او اطفال انابيب او لسه حوامل تعالوا

السلام عليكم ورحمة الله وبركاته
اخواتى الغاليات يعلم الله مدى حبى لكل بنات المنتدى وانى بدعى لهم دائما بالذريه الصالحه
حبايبى انا الحمد لله والشكر حامل فى اول الشهر التاسع بعد 3 مرات حقن مجهرى واللهم لك الحمد حملت فى اخر عمليه عقبال كل مشتاق يا رب
بس المشكله وانا من اول حملى وعندى وسواس رهيب يعنى الاول طبعا من ثبوت الحمل وبعدين من نموه وزاد اكتر لما كنت عرفت انى حامل فى تؤام وقدر الله لواحد منهم ميكملش نموه وانا فى اول شهرين طبعا كنت بروح كل اسبوع لدكتور علشان اطمن على التانى ومرتحش غير لما اشوف النبض
والحمد لله الامور مشت كويسه بس الواسواس لسه معايا وزايد اوى اليومين دول مع قرب ميعاد الولاده ان بعد الشر الجنين يكون ى حاجه مش طبيعيه او منغولى او الحاجات دى طلبت من الدكتور اعمل اشعه رباعيه قالى ملهاش داعى انا بطلبها لما يكون شاكك فى اى شىء وانا الحمد لله شايف كل حاجه كويسه
غر كده يعتبر كل الاقارب والاهل عارفين بموضوع عمليتى وتحسوا انهم مستنن طفل لاول مره يشووه من نوع خاص وانه هيكون شكل مين الام ولا الاب طبعا فهمنى
انا يمكن فى كتر هيقولى احمدى الله على النعمه الى انتى فيها وانا والله بحمد الله سبحانه وتعالى على طول لانى حسيت بالحرمان7 سنين وعارفه طعمه
بنات الى عندهم اولاد من حقن او طال انابيب يطمنونى الله يطمن قلوبكم
وطلب الكل يدعى لى بتسهيل الولاده وان الله يرزقنى الطفل المعافى
والله يرزقك كل مشتاق يا رب
اسفه لو طولت بس انا مليش غير بنات حواء افضض معاهم