الله يسر امرك

ابدي قولي له كل شي يصير معك .. ويمكن يتعود هو يقولك شوي شوي
ما اعطيك من قرقي شوي !! احيانا الناس يسفهوني والا يسلكون ويقولون ايه .. ايه وهم ما يدرون وش اقول كككككك

قولي لزوجك قصه قبل النوم مفعولها عجيييييييب

لا حول ولا قوة إلا بالله
يا قلبي انتي .. اسحبي منه السالفة سحب عادي هذا في البداية وبعدين راح يتعود
مو معقول ماعندكم أحداث بحياتكم تسولفون فيها .. عادي اسأليه وش سويت اليوم ومثلا تعرفين اي شي لو من اهله قولي وش صار بالموضوع الفلاني .. يعني صار كذا وكذا مثلا .. يعني لا تعطينه فرصة يقول مافي جديد ويسكت
وانتي دوري اي سالفة ان شاء الله موضوع مضحك في عالم حواء والا مثلا قريت اليوم خبر في الجريدة يقول كذا
المهم اي سالفة بالعالم .. انتي شكلك في بداية حياتك الزوجية فلازم تعودينه لأن الزوج على ماتعود
خليه يلقى عندك اللي يدوره في البنات ترى من جد ومابي اخوفك الحين الرجال اذا مالقى عند زوجته اللي يبيه بيلقى عند غيرها وبكل سهووووولة هالأيام بكل سهوولة .. وخصوصا اذا كانت حاجة سهلة مثل السوالف :) وبياعات الهرج وش كثرهن بكل مكان الله يكفيك ويكفينا شرهن
ايه بانبهك انو اي شي يقوله اي شي مهما كان تافهة حسسيه انه شي مهم وحلو اي انجاز يسويه او اي سالفة يقولها حتى لو ماتهمك سوي نفسك مهتمة مرة

الله يسخره لك كما سخر الريح لسليمان .. و يرزقك الذرية الصلحة عاجلا غير آجل يارب العالمين وكل اللي تتمنى وتقول آمين :)

الحل الاساسي بالنسبه لي انك تتعرفييين على بنات فرفوشات مايسكتون ابد صدقيني مع الوقت بصيرين مثلهم
انا وسط مو ساكته ولا ثرثاره بس لما اجلس مع زوجي احس اني اسولف مع نفسي يعني مستحيل يقول صار كذا ولا كذا وهالسلفه مره منكده على يعني فيه رجال مايحب يسولف مع زوجته