روحي الايام
والله العظيم اني مررة ظغط على نفسي ورحت عندهم ولقيته عندهم تدرين ويش سوى قالي انتي حرمة قوية ويالا بعد الصلاة جهزي شنطتك وخلاص انا بطلك وكان يوم من بعدها انا اعيش في اطراب والله يبنات المسئلة قوية

رحيل الحب اسمك حلو
عاد تصدقين انه وحده منهم اتزوجت وياليت انشغلت بزواجها الا سارت مشاكله هي وزوجها عندنا يرد عليها وزجي مسوي نفسه حكيم زمانه واهو الحكمة في شرق وهو في غرب ومن ناحية زوجي معطيهم وجة صحيح الا ممو معطيهم وجة وبس لاماعنده دم حتى لو يهنوني بتطنيشهم لي مثال يعزموه وانا لا وهذي في كل مرة اقربها رمضان يعزمونه لوحدة كأنه عزوبي حسبي الله ونعم الوكيل

خادمة السنة ونشاء الله جميعا نخدمها يارب

والله اني اعمل كل الي بوسعي من شياكة وتعطير للبيت والمزح بس عندي قسما بالله كأنه انسان بدون مشاعرر استغفرالله والله مابي من الي ينقال عنهم يكفرن العشير الا والله هذي الحقيقة والفرفشة اختي هذي طبيعة فيا بس زوجي الله يسامحة ماخلا فيا حتى فرفشة وشوفه هو نايم وشغيره واصل عندي وانا من الليل مانمت غير افكر يبنات السفينة لوالامواج قوية مسيرتها تسير صعب والبنات هذول بقلة ادبهم عاملين مثل الامواج

يارب الطف بحالي واشغلهم في انفسهم فيما يرضيك وابعدنواياهم السيئه عني وعن زوجي بحق لا اله الله الا الله العلي العظيم اللهم امين

اختي حالك بالضبط مثل حالي او ماتزوجت
راح اقولك قصة حياتي وانتي استنتنجي منها وخذي اللي يفيدك

اول لقاء مع زوجي تتوقعين وش وصاني علية
(( أمي فوق القانون ))
وبنات اخوي لهم معزة خاصة عندي
انا قلت له لا توصي ربي يقدرني واكون عند حسن ظنك

المهم وربي حطيتهم كلهم فوق راسي
تصدقين
كان في فترة الخطوبة شاري لي ساعه
لان الساعه حقت الشبكة دخل فيها ماي
وشرا لي احسن واغلى من الاولى ،، قال لي معليش و..و..و...
المهم
بنت اخوة عرفت وقالت الاسبوع الجاي ماتجي الا وانت شاري لي ساعه احسن منها
وفعلا شرا لها

ماقلت شي قلت بنت اخوة

وتصدقين اسبوع الزواج نامت في المجلس معنا في نفس الشقة بس بالمجلس

المهم وكل سالفة بتطلع لنا فيها ويطلعون معها خواتها

كان زوجي يدرس في مدينه غير المدينه اللي احنا ساكنين فيها
مايجي الا الخميس والجمعه
كانوا ايام الاسبوع يجون الساعه 11 او 12 بالليل ولا يمسشون الا الصباح 7 او 8 الصباح
لانهم سهر بالليل ونوم بالنهار
واظطر اني اسهر معهم وانا دققيقة اغفوا ودقيقة اصحي
مع العلم ان نومي الساعه 9 من تجي تسع خلاص يكبت علي النوم
استحملتهم
كنت اجيب لهم مالذ وطاب
اطلع كل الحلويات اللي عندي والعصائر وكل شي
حتى ملابسي يقولون يبغون يلبسونهم في مناسبات
اعطيهم ما قول لهم شي
المهم
من جهه زوجي تعالي شوفي اشلون
من يجي ، يجون ينسدحون على ركبته
يسوون اشياء تقهرني بس وش اسوي اقول يامرة مرحلة وبتعدي
وفوضت امري لله
كانوا في البداية يظنون اني بنقهر او بكلمهم
وخليتهم على راحتهم
قلت متى ماعقلوا بيعرفون ان اللي يسوونه غلط

ولاني ما اعطيهم وجهه ولا ابين اني مقهورة
يعني اسوي نفسي عادي ،، وامزح واضحك معهم
اودي لهم هدايا ،، ملابس ،، احذية ،، كانوا يحبون الشكولاته والعصائر اودي لهم .....اي شي
يعني عاملتهم كانهم خواتي

لما جا الوقت اللي كلا لازم يوقف عن حده

بس للاسف الموضوع هاللي خلاهم يوقفون عند حدهم كبير جدا
وزوجي انصدم صدمة احمد ربي ان طلع منها
انصدم فيهم وطلعوا على حقيقتهم

ولما جا من وسالني عن اللي صار
قلت له انا ما ادري اسال اللي يدرون
هو يعرف ان مالي علاقة بالموضوع بس قال يمكن احد قال لي عن الموضوع ويبغى يعرفة مني .

المهم كان لهم مثل الاب لكن انصدم بهم
ولان تركهم
انا مو فرحانه بالعكس بعض المرات اقول مايصير يقطع الرحم
بس برضوا اللي صار كبير
استغفر الله

المهم اختي نصيحه مني

تنشيهم وسوي نفسك مايهمك وكسبيهم بالهدايا والكلام الحلو
لاني اختي كانت مثلك تنقهر ويبين عليها
وكانوا يزيدون اذا شافوها كذا

نصحيتي لكي؟؟

الدعاء

الدعاء

الدعاء

في جووف الليل

صلي لك ركعتين وادعي ربك يبعدهم عن زوجكــــــــ ومهما صار لاتياسي من رحمة ربنااااا
( ان الله مع الصابرين ) ( وبشر الصابرين )

وبصراحه لاتخربي حياتك مع زوجك بسبب هذولا البنات
حاولى تتمسكي فيها مهما صار

والله يوفق بينكم يااارب

والله اعظيم يارحيل انه قستك مثل قصتي ولا كمان انا تعبانه معه باطفال الانابيب رغم ان السبب الاكبر منه سارمعه موقف كبير مرة وكرهم فترة وكنت انا اقله لا تقطعم ورجع يحن على الماضي معهم الله بس يصبر قلبي الي ماعد فيه شئ يحترق

ماعندي حل بس حبيت ادعي لك ان الله يفكك من شرهم