بنات الي جربت مستشفى تخصصي بريده للعقم

هلا بنات
طبعاً مسشفى الملك فهد حولوني لبريده وموعدي باذن الله بشهر سته عربي
سوولي اشعه صبغه وتحليل هرمونات والحمدالله كلها سليمه
وعطوني تحاليلي وسيدي فيه صور اشعه الصبغه وقالوا لازم تودينها معك بالموعد
وزوجي طبعا وللاسف الحيوانات المنويه صفر وسوو له تحليل هرمونات
وارفقوها مع اوراقي وعطونا اياهم علشان ناخذهم معنا للموعد
ابغى اعرف الان المستشفى حللونا واكدو علينا نوديهم معنا بريده
هل هناك يعيدون التحاليل ولا لا؟؟
ومتى ممكن يسوون لنا اطفال انابيب
احس قبل كنت متفائلة وطايره فرح واحس الله بيرزقني
وبتتيسر الامور
لما قريت التجمعات الي بالمنتدى والمنتديات الثانيه جاني احباط
انو ناس تعيدها كذا مره ماتضبط
وقليل الي تنجح معهم
حسيت مافي امل
مدري احس متضايقه
لا اعتراض على حكمته بس منكسر قلبي وانا اشوف عيال الناس
واحس بيصير ماعندي عيال
غير امي تبغيني انفصل عن زوجي لهذا السبب
تعرف اني احب الاطفال ومحرومه منهم
صارلي متزوجه سنتين