بنات الي زوجها خانها كيف قدرت ترجعه بعد ماعرف انها داريه عن خيانته

ارفعوا بنات وووووين الحلوات 

اختي لاشك ابشع انواع الصدمه الخيانه لكن هل خان كذا مره ؟ مانوع خيانته ؟ وكيف عرف انك عارفه ؟
كل هذي اشياء تحتاج اجابه !

أش نوع الخيانة

حسبي الله ونعم الوكيل حتى اذا الوحده تحاول تسامح يقول انتي السبب عشان مايعترف بغلطه وتنزل هيبته قدام نفسه
الي هي اهم شي عنده لا حول ولاقوة الابالله وصبرا جميل والله المستعان
اللهم استودعتك نفسي وزوجي وذريتي اللهم امين

المفروض المره اذا قررت تواجه يا تواجه وهي قويه وماتخليه يقلب الطاوله عليها وتمرمطه وتلعن خيره وماتسامحه بسرعه لا تطلع عينه وتطلع من حياته فتره وتقوي قلبها وبعدين تعلمه ان الله حق وتسامحه

لكن تواجه وتبكي ساعه ويقولها امني السبب وتعاتبه بنبرة خوف وترد ترضى وتقعد تكلمه وتلبس له وتزين له ولا كأن شي حصل هذي لو ساكته ابرك لانه بيكون حذر ومايخاف منها واذا واجهته للمره الثانيه بيقولنا رضيتي اقعدي مارضيتي روحي لاهلج الي موقد المواجهه لاتواجه عالاقل عشان صورتها وكيانها قدامه


الخيانات انواع واقوى نوع الي مايفيد فيه لامواجهه ولا عتاب ولازعل ولاهواش اهو الزنى المفروض اذا وصلت للزنى ترفسه وتحذف وراه سبع صخرات بللي مايحفظه لان الزاني عقوبته الموت شرعا حرام فيه العيشه والعيشه معاه



انا للامانه ماشفت خيانه بس شفت خيانه بصريه طحت على زوجي يشوف افلام جبت القران وحطيته بايده قلت له احلف لي انك ماتشوف شي موزين ارتبك وانصدم وقلب لونه قلت له انا شفت بعيني هالشي شفتك تشوف مفاصيخ وسوالف وصخه ليه؟؟ هذا مستواك؟ هذي تربيتك! شلون بعيش معاك شلون تبي تربي عيالنا وهالاشياء موجوده ببيتنا وطاحت بايدي شلون لو عندنا عيال وطاحت بايدهم انت مو كفو تربي ولا قد مسؤوليه ولاتخاف الله تدخل ببيتك هالاشياء وقلت له لي حلين يا ان اقعد عند اهلي ليما اولد وقتها كنت توني حامل وبعدها كل واحد بطريج وتقدر تشبع نفسك بالافلام طول هالفتره انا ماتشرف اكون معاك ببيت وفراش واحد تشوف غيري وتشتهي غيري وانا مثل البالوعه تجي تفرغ فيني بس روح دور على وحده ترضى بهالشي والا تزوج من الي تشوفهم وخلها تولد لك وتربي عيالك وتشيل اسمك انصدم وعيونه حمرت من الصدمه وقعد يتأتئ وقعد يحلف عالقران ان الربع بالمخيم الي داشين على هالمقاطع مو اهو وعطاني اللاب توب وقال سوي فيه الي تبين قلت له اقدر اقطه بالزباله واقدر اسوي واسوي واسوي لكن انت موجاهل عشان امنعك منه اذا مامنعت روحك من الحرام لاتنطرني اركض وراك وامنعك بس الي مايستر على نفسه وهو ببيته لاينطر من احد يستر عليه والحين هذا اللاب توب بقطه لكن عندي دليل وفلاش فيه الدليل والمقاطع بدق على ابوك واقوله ياعمي شوف تربية ولدك!! وشنو يدخل في بيته وبدق على ابوي ويافشيلتك وياسواد وجهك مسكني وقعد يحب راسي ويحلف ويتكفر ويحلف عالقران ان الشباب بالمخيم مو اهو الي داش على هالمقاطع قعدت فتره طوويله زعلانه منه وما اكلمه لما عرف ان الله حق وبعدها ماعنري شفت في بيتي لا لاب توب ولا هالسوالف بس التليفونات مايندرى شفيها اكيد بلاوي

انا وحده صراحه ما اقدر اسكت ولا احب اواجهه وشويتين واطخ وارد المياه لمجاريها لا يا اوقف وقفه حازمه وجاده واصير قويه وما اخليه يركبني الغلط يا اسكت حفظ لماي وجهي