بنات الي شاطرة في الكمبيوتر اتمني تساعدني..

السلام عليكم ورحمة الله
هلا اختي العاش
اختي اذا عندج لاب توب ممكن تنقلين الصور ب"الإنفرارد" على طول بدون وصلات ولا وايرات
أما إذا عندج كمبيوتر عادي ف يبالج وصلة خاصة عشان اتنزلين الصور
ممكن تلقين هالوصلة في محلات التيلفونات
والسموحة

الطيرالمهاجر :27:

الغالية انا عندي لاب توب ممكن تفهميني كيف الطريقة؟؟ :26:

انتظر ردج

هلا اختي اسمحيلي تأخرت فالرد
اول شي اتنزلين على كمبيوترج برنامج يستقبل الصور من التيلفون
نحن نستخدم برنامج: ( oxygen phone manager II)
وهالرابط فيه انواع التيلفونات اللي ممكن يتعامل وياها البرنامج:
http://www.opm-2.com

واذا لقيتي رقم موديل تيلفونج من بينهم ،،، اضغطي عالرابط هذا عشان اتحملين البرنامج عكمبيوترج:
http://www.oxygensoftware.com/download/OPM2.zip


وشكلي نسيت اوضح لج ان اللاب توب لازم يكون فيه "انفرارد"
عشان اذا كان فيه انفرارد تقدرين اتشغلين الانفرارد اللي فتيلفونج (اللي هي وصلة IR ) وعقب اتحطين فتحة الIR مال التيلفون مجابل فتحة الIR مال اللاب توب وتستقبلين الصور عاللاب توب

اختي الطريقة معقدة اشوي وشكلي ماعرف اشرح
المهم الزبدة اذا عندج لاب توب فيه فتحة IR بتنزلينه بدون ماتشترين واير أو وصلة
والسموحة