مشتاقة

إلا صح فيه دكتور اسمه ......سمور وسمور مو دلع بس هو الاسم الثاني مادري محمد سمور أو شي زي كذا نسيت لأني قريت اسمه بلوحة أسماء أطباء المستشفى وهو استشاري بس نصيحة لا تروحين لطبيب بدون ضرورة ..

بالمناسبة أنا رحت أمس المستشفى وكانت الزحمة أخف والحمدلله ...وجلست أفكر فيك ما دام انك قريبة من المستشفى روحي بدري وخذي رقم وارجعي البيت ريحي لين تتوقعين قرب دورك علشان ما تتعبين وتملين.

لأني أمس استفدت من وقت الانتظار في المشي طلعت أمشي برا المستشفى انا وزوجي وأولادي فما حسيت بطول الوقت كثير.

من قال اني بروح لة بس انا ضحكني اسمة

وبعدين صحيح انة قريب بس مو لدرجة اروح وارجع للبيت

لازم سيارة

انا اعتبرة قريب يعني ربع ساعة وانا واصلة


والحين انا بحفر الباطن وبعد اسبوعين بروح ان شاء الله على طول

ياقلبي توكلي على الله

مستشفى الفلاح فيه دكتوره هنديه ممتازه الكل يمدحها وكثير اعرفهم سوى عندها قيصيريه

بإذن الله هي مظمونه روحي عندها مراجعه يوم وبترتاحين لها

بس لازم تاخذي موعد قبل ماتروحين ولا باتكرهين نفسك من الانتظار

انا لسه والد قيصيريه بس بمستشفى عبيد كمان عند هنديه وناسبتني مره ماحست بتعب مثل المرتين

اللي فاتت والتساهيل من عند رب العالمين

ولاتنسينا من دعواتك

عذوبة انثى

ياليت الدكتورة الهندية فية

لان طالعة اجازة ولا كان ماحترت بس الله يسهل ان شاء الله



مشكورة اختي على ردك

مشتاقة
الدكتورة الهندية جات من الإجازة هي ودكتورتي كانوا اجازة ورجعوا