عادي ولا أحلى ,توكلي على ربك واستخيري واستعدي وجهزي اغراضك :)

مافي شي يخوف امان واطمئنان, والوحده وين ما يكون نصيبها تتوكل وتلحقه

انا عايشه بأمريكا بعد وعادي الوضع

فلها وربك يحلها ,,

تعرفين أني مثل حالتك وقررت أني ما أروح معه كنت خايفه من نفس مشكلتك قلت يمكن مايكون أمان وراح أظل خايفه طول الوقت لكن بعدين غيرت رأيي يوم سمعت عن الغربه وقالي أخوي (يدرس بأمريكا ) أنه أمان مثل السعوديه ويمكن بعد اكثر أمان يقول والله ماحسينا بشي أبد والحمد لله.

أنا من رأيي تروحين معه لعدة أسباب :

أولا ً : هو محتاج الأستقرار هناك أكثر منك يعني يبيك تساعدينه على هموم الغربه ..
ثانيا ً : هو يبي يرتاح لأن مايصير غربه وعزوبيه بنفس الوقت .
ثالثا ً : روحي معه عشان تبينين له أنك تضحين عشانه وأنك مستعده تعيشين معه لو بالمريخ وراح تكبرين بعينه.

أنا مثلك بالبدايه قررت ما أروح بس بعدين يوم فكرت باللي قلت لك أستخرت وأبروح معه الشكوى لله .
قسم بالله أني من الحين أصيح كل ماتخيلت شكلي وأنا أسلم على أهلي وقرايبي وأبسافر بس لازم أتحمل هذي حياة كامله وبعيش معه على حلوها ومرها بإذن الله..

و الحمد لله ماني لحالي هناك واللي تغربن مهن أحسن مني بالعكس يمكن أنا أرتاح أكثر منهن لأن أخوي يدرس بعد هناك بس مو نفس مدينة زوجي ..

بإختصار لو تبين نصيحتي لا تضيعين على نفسك فرصه كثير بنات تمنوها والله بكرة تندمين تقولين ياليتني رحت معه توكلي على الله وروحي معه وأقلمي نفسك وعوديها من الحين على تقبل فكرة الغربه وهونيها تراهي هينه ..

الله يوفقك يارب ويسعدك مع زوجك وتكون أيان غربتنا من أحلى أيامنا

أتمنى أكون أفدتك ..

هلا اختي الله يوفقك ويتمم عليك بصراحه مافيه خوف وكلها أمان
انا كذا اول كنت خايفه وبعدين تعودت على الوضع لاني تعرفت على بنات كثير وماشاء الله السعوديين كثير هنا والحمد لله عيشتهم كويسه وطبيعه.. انا بتليدو ساكنه.

انتي وين بتسكنين؟؟

هلا اختي

انا في امريكا لي خمس سنوات هالحين

واشهد بالله اني ما حسيت بالخوف خلال هالفتره بالرغم من ان طبيعة عمل زوجي تجبره انه يسافر ويخلينا ، بس الحمدلله امن وامان.

تصدقين عاد اني احسها امان اكثر من الرياض

ارجوا اني اكون افدتك؟؟؟

توكلي على الله وتزوجي وتعالي مع زوجك الله يوفقكم ويسعدكم

مشكورين وماقصرتو...بس كم مدة التوفل هناك..
والماجستيراحياء.......كم سنة؟؟والله يسعدكم وين ماكنتوا.....