بنات انا اتمنى موت زوجي انا ابتليت فيه

بنات قصتي قصه مدري من وين ابدأ
امي متوفيه من وأنا صغيره
وتزوجت من ١٥ سنه تقريباً كان عمري ٢٢
وابوي متزوج وعنده عيال وش كثر من زوجته
وبيت ابوي ضيق وبزارين وزوجة ابوي ما تحمل في قلبها ذرة موده لي
المهم من تزوجت انصدمت بالزواج كان زوجي قاااسي وعقله صغييير مره لدرجه ممكن يبكيني ويمن علي عند لقمتي واكتشفت بعد انه يتعاطى 💔
وقتها الدنيا تقفلت بوجهي بس وقتها كنت صغيره ولا اعرف اتخذ قرارات ، ولا كنت ابي ارجع لأبوي وزوجته وبيتهم اللي يتك الصدر
المهم بلعتها وقلت يمكن ينصلح حاله بس مع هالسنين اكتشفت ان اللي يمشي بهالطريق خلاص ضايع وما ينصلح💔
انا عندي عيال صغار هم الشيء الوحيد بحياتي بس اخاف على مستقبلي انا وياهم 💔
زوجي ٢٤ ساعه برا البيت حتى النوم ما ينام معي ينام بالمجلس
انا عايشه عزابيه بس الفرق ان عندي اطفال
انا وين اروح بهالبزران من بيتحملنا ؟ فكرت اتطلق بس برضه مقدر استاجر لحالي أطفالي صغار لأني ما حملت على طول تأخرت كم سنه
لو أمي حيه اخذتها وسكنت انا وياها لحالنا بس ما أقول غير حسبي الله ونعم الوكيل في كل أهل يدرون ان ولدهم مبتلى ويزوجونه أنا خلاص مدمره وأمثل على الناس اني مبسوطه عشان محد يشمت فيني 💔
بالنهايه اشكر اختي صاحبة المعرف اللي خلتني افضفض