كوبونات الراقية تسجيل الدخول

أم القطامي

بنات انا اللي مهري 15 الف.... تعالوا وارفعوا الموضوع عشان اللي ردوا..هنا الردوود/قديم

الأزياء والموضة •

:26:
السلام عليكن ورحمة الله وبركاته
هذا رابط موضوعي الاول
http://forum.hawaaworld.com/showthread.php?t=3043010&page=3


اما سبب غضبي فكان اني طالبة مهري اكثر من 40 لاني كنت عارفه ان حالتي الصحيه بتكلفني بس الوالد رفض وقال ابي زواجك يتبارك بالاول كنت زعلانة بس بعدين قلت خيرة

وقالت لي وحده اجل مادام هو اللي شرط مهرك كذا خليه يساعدك بس والله حرام مايستاهل هو طيب وابوي ينظر لبعيد قال ماابي اول حياتك وزوجك ديون وهو وراه عرس وتكاليف وبيت وتأثيث وهو على قد حاله ..يبيني اروح وأتسهل واتوفق الله يخليه لي

والله من شدة ماأنا فرحانه ماادري وش اقول لكني أسأل الله العظيم في هذه الساعة كل من ردت علي وهونت الأمر وكل من أرسلت لي على الخاص...وكل من رفعت ودعت لي ومن طلبت لي ادعيها اللهم وفقها وبشرها وحقق امانيها والمريض ولدها اللهم اشفه لها شفاءا لايغادر سقما وسخر زوج كل متزوجة لها واجعل نقمته عليها بردا وسلاما واجعلها احب الناس اليه..وكل مقبلة على الزواج اللهم وفقها وبارك لها وكل مريضة اللهم اشف مرضها واقض دينها واكشف كربها...

راح أحكي لكم التفاصيل اكثر يابنات عشان تكونون بالصورة... بحاول اتذكر الردوود وارد ..

الاخت العزيزة اللي قالت كيف ابوك يزوجك بهذا المهر ماني زعلانة يالغلا ..عزيزتي ولا تظنين اني اكذب ولا انافق اقسم بالله العظيم ماكذبت عليكن بحرف والله على مااقول شهيد...انا مهري 40 ألف لكن 25 ألف تكاليف علاج..يعني ماشملت مقاضي الزواج بالمرة ...اللي بقالي 15 ألف فقط هي اللي اتقضى فيها...الله يخليكم لاتسألوني وش العلاج ..مااقدر اوضح..لكن لاتنظرون الى ال 25 هذي او تقولون ماعندها مشكلة مهرها اربعين يابنات والله اهم شيء للأنسان صحته وعلاجي ضروري مو شيء جمالي او ليزر او شفط او غيره اقسم بالله انه لضرورة يعني شيء بصحتي مو خرابيط او تجميل...والحمدلله الشافي المعافي لانه كان يستحيل اتزوج وانا فيني هالشيء ..



اللي سألتني عندي اب واخوان ..ألحمدلله اي عندي ويابنات ترى حنا حالتنا حلوة يعني ميسورين بس انا ماابي اكلف على ابوي واطلبه ريال واحد لان راتبه يروح بالايجار ومصاريف الاخوان والمطبخ وانتم عارفين يعني اغلب حال السعوديين المستأجرين...اخوي موظف على قد حاله ويبي يكون نفسه ويشري سيارة ماابي اطلب شيء منه..وعزيزاتي انا ماابي فساتين او ثياب مستخدمة ربي يرضى عليكن انتن وقلوبكن البيضاء أسأل الله ان يوفق كل من عرضت لي ملابس او فستان ..أنا ياعزيزاتي لما وضعت الموضوع قصدي
اقولكم اني محتاجة من تقسم لي المهر وتساعدني بالاسواق والتخفيضات ومن بعد ماقريت ردودكم والله العظيم حسيت مهري مية وخمسين الف مو 15
حسيت انكم سهلتوا الامر علي من بعد الله سبحانه..الخوات اللي بالخاص ارسلوا لي صور فساتينكم وانا بأنتظر مشاركاتي تكتمل عشان اراسلكم,,طبعا انا ببالي فستان منفوش ماابغى ضيق ابغى احس اني عروسة وانا وزني 64 وطولي 161 اميل للنحف ألبس من مقاس 14 الى 16
وابغاه ايجار او شراء بس مايتعدى 500 او 700
انا بانتظاركن عزيزاتي بس اللي تقدر تصبر لان باقي المهر ماجاء للحين ماادري متى بس انا اتوقع الاشهر القادمة لانه ماتحدد العرس متى للآن

انا افكر اروح اتقضى من الرياض احسن ..اما المدينة وجدة مااقدر فقط اقدر للقصيم والرياض واللي قالوا لي بتجيك هدايا مااقدر اعتمد على هالشيء لأن حنا بحكم اننا تنقلنا من بيوت الايجار فما لي صديقات ولا جيران نهائيا..واقربائي قليل وعلى قد حالهم ميسورين مو يعني من اللي يجيبون الذهب...واما زوجي الحمدلله طيب جداجدا ..يعني الحمدلله
اما
اللي قالوا لي عن الزفة انا مااراح اسوي زفة للأني ماابي ومااحب ,,,واما مصورة ماابغى قريبتي راح تصورني من اي كاميرا او ممكن اشتريها لكن مااحتاج مصورة
:26:كل الحب

طبعا انا خلاص اعتمدت توزيعاتكم للمهر وراح احطها بورقة واقسم وازين اموري باقي فقط فستان الزفاف لانه هو حلمي واتمناه من زمان اذا صار عندي ارتحت واللي تقول أستأجري ممكن بس امنيتي اشتري ويكون قدام عيني كذا من طفولتي احلم اشريه ماودي أستأجر

اذا تذكرت شيء برجع اكتب

ايه وترى اهل زوجي عزايمهم قليل من العيد للعيد ومانطلع لمكان ..يعني اهم شي راح يكون لبس البيت وترى انا مو راعية ماركات ولا عمري اهتميت او شريت اللي القاه بالسوق ويعجبني على طول اخذه لو ب5 ريال
91
12K

هذا الموضوع مغلق.

ام ﭽوﭽو
ام ﭽوﭽو •
الله ييسر امورك ويوفق يالغلا
من جد اول مره ادري انه بهالزمن فيه زيك تفكيرك سلييييم ومنطقي
ماادري وش اقول الا الله يوفقك بحياتك
فراشـ حواء ـة
فراشـ حواء ـة •
ياعمري والله فرحت لك من قلبي الله يسر امور ويوفقك يارب
هند الغلا كله
هند الغلا كله •
ربي يوفقك حبيبة قلبي ويبارك لك في مهرك وحياتك اللهم امين
M o o N
M o o N •
اللــه يوفــقك يا قــلبي وييسر لـك
ويتمم لك على خــير..
مثل ما شفـتي يا قــلبي رسالتي اللي بالموضوع اللي قــبل,,
فيه بالمــلز عــند الكلية الأدبية ( جامعة الاميرة نورة )
محلات تبيع الفساتين الجاهــزة ..
بس ما ادري .. كم أسعارهــم
وفيه محلات حولها ..
تبيع اشياء وفساتين للعراايس..
هذا اللي قدرت افيــدك ..
وبالنسبة للكريمات والشامبوات روحي لوشيقر ,, يبيع شي رخييص .. وحــلو
وكــذلك الشنااط ,, الطلعات والمكياجات .. اصلــية واسعاها مخفضة .. عليه
عكس المحلات الباقية يشترون منهم ويبعون الشي دبــل اللي عندهم ..

والمــلابس .. والحاجات .. تعالي للشفاء فيه اشياء رخيصة وحلوة وذوووق ..
خاصة الملابس الطلعات العادية شارع المدارس ..
فيه محلات تبيع كــل شي ,, وراح يصلح لــك.. اسعارهم ما تتجاوز 40 ريال ..
بلايز = جزم = ملابس داخليه ,,
وما تخــرب من الغسل أنا مجربه ملابسهم ,,
مرره ذووق وشياكة .. وما تخرب ابــدا ..

وفاستين السهرة عندك ستي مول او الشفاء موول .. فساتينهم ما تتعدى 300 ريال ..
وقسمي نفســك ..
4 فساتين سهرة ..
5 جلابيات ..مثلا
وكم بلوزة وتنورة للطلعات الخفيفة والعادية
وكم تيور للعزايم الكبيرة ..يعني قولي 5 تيورات ..
والبيجامات عنــدك ( شارع المدارس مثل ما قــلت)
فيه محل اسمه الغربية أو محل اسمه دبــي ..
يبيع ملابس داخليه رخيصة ,, وما تخرب من الغسل ..
ونصيحة لا تروحي للأسواق الغاليــة ..
اللي تبيع مكياج ,, روحي للوشيقــر .. يبيع اشيااء توووحفــه ..وحلوة للعرايس ..

الله يوفقك ويسر لــك أمرك
ويبارك لك آمــييين ..
أم القطامي
أم القطامي •
ربي يبارك فيكن ويفتح لكن باب من حيث لاتحتسبن
MooN
ماقصرتي ياعمري كفيتي ووفيتي وكلكم فرجتوا كربة ,,,الله يوفقكم