بنات انا بتطلق

السلام عليكم 0000000شحالكم بنات ان شاء الله تكونوا كلكم بخير

انا مب عارفه ابتدي من وين
بس بقولكم عن شخصية زوجي اول هو عصبي جدا وفي نفس الوقت طيب بس لسانه وسخ على الفاضي والمليان وهو يلعن احس مافي تقارب في الثقافه يعني هو لسانه وسخ وانا انسانه ما احب ها الشي وبعدين عياله ما يرتاحون وهو في البيت لانه هو دوامه يومين في منطقه واربع ايام عندنا بس لما يكون في البيت دايما يسالوني عيالي متى بيروح لانه دايما يعصب عليهم ودايما انا وياه في مشاكل في تربيه العيال لانه وايد مدلع البنت بس الاولاد وايد شديد عليهم حتي ولدي يسويها في ثيابه من الخوف منه
المهم احنا كنا مسافرين ورجعنا قبل كم يوم المهم لما كنا في المطعم في ماليزيا هو طلب عيش وانا بغيت اطلب شي ثاني غير العيش وشفت اكله عجبتني ولما سالت الجرسون عنها وشو فيها ها الاكله هو قام يلعني قدام عياله ويقولي الله يلعنك والله ياخذك وهذا بس لاني سألت عنها يعني هو يباني اطلبها بدون ما اسال عنها لان الحرمه المحترمه لازم ما تسال وتتكلم المهم وقعد يقولي والله العضيم اني اكرهك وانا مش من اليوم اكرهك لا من زمان
والله ها الكلام حز في خاطري وقعدت اصيح وانا في المطعم لاني حسيت اني ما سويت شي ورجعنا الفندق ونزلنا وهو راح وطلع مع صديقه ولا همه اني زعلانه المهم اني قعدت اراجع حساباتي واقول اني خلاص انا بخليه يطلقني لاني تعبت منه لا يحترمني قدام عياله ويلعني قدامهم المهم اليوم اللي بعده قالي يلا نروح السوق عشان تشتروا اللي تبونه لانه باقلنا يوم واحد ونرجع بلادنا وانا كنت طول الوقت ساكته ما اكلمه وهو يألني تبين هاذا وشو تبين بعد بس انا كنت زعلانه منه لانه ما كلف خاطره يراضيني المهم فليل وصلنا الفندق ونزلنا وراح مع صديقه واليوم اللي بعده كانت طايرتنا فليل والصبح رحنا السوق وقام هو يطنز علي قدام عياله وبعدين رحنا المطعم وانا كنت مشتريه حلاوه للعيال وبعدين واحد من العيال سأل ابوه ابوي هذا الحلاوه حق من قالهم حق فلان يعني ولدي الصغير بس انا قلتله ههذا الحلاوه حقكم كلكم وبعدين قام ولعني قدامهم ورديت عليه وقلتله احترم نفسك انا والله اني ما بقعد معاك دقيقه بس يوم نوصل بلادنا يسير خير وبعدين هو حاول بطرق غيرمباشره يكلمن بس انا ما عطيته وجه ويحط ايد علي بس انا ما كلمته لاني تعبت من عدم احترامه المهم رجعنا دولتنا ورحت وسلمت على اهله ولما كنت رايحه في الطريه بيت اهلي قمت وطلبت منه فلوس عشان ابغي ادخل دوره وهو يعرف اني لازم ادخل هاالدوره عشان اتخرج قام وقالي ما بعطيج فلوس قلتله انزين عطني فلوس لعيالك قالي انا بيبلهم اللي يبونه المهم كلمه مني وكلمه منه قمنا وتضاربنا وقلتله طلقني وقالي اوكي وقالي اصلا انا اكرهك وما ابغي اعيش معك المهم انا خلاص فكرت في الطلاق لاني تعبت من اسلوبه والله اسلوبه وايد صعب انا تعبت مع اني احبه وهو يحبني وماخذين بعض عن حب بس من خذته واحنا والله في مشاكل سبع سنين ما قدرنا نتفاهم فيها مع بعض كنت ادعي الله انه بس يعدي شهر من دون زعل بس كنا كله في مشاكل لاني مافي توافق في الشخصيات احس حتى عيالي تعبوا من هاذي المشاكل

شوروا علي يا بنات