بنات انا تعبت وقررت بحول الله وقوته وساعدوني

السلام عليكم ورحمه الله وبركاته

خلاص بنات انا قررت اعمل حقن مجهري او انابيب

مع ان ميزانيتي مدموره لكن بستقطع جزء من راتبي عشان اعملها لان زوجي ماهمه

وانا تعبت العمر راح وايامي كلها ترقب ، كل شهر اقول ان شاء الله الشهر هذا حامل لكن قدر الله وماشاء فعل

اللي ابي منكم تنصحوني بالافضل

ووش الفرق بين الحقن المجهري واطفال الانابيب ، وكم تكلفه العمليه كامله

ووش رايكم بمركز دريه (الرياض) ومن افضل دكتور او دكتوره ممكن يعملها لي وكم مده العلاج كلها ؟

واى معلومه ممكن تفيدني لاتبخلون عليه فيها تكفوووووون

للعلم مامعي شي كايد يمنعني من الحمل الطبيعي لان مرات يقولون تكيس بسيط واعالجه ويروح ومرات التهاب ومرات هرمون لكن كلها ماتمنع الحمل بس قدر الله مع العلم ان لي 14 سنه احلم بطفل

وانا بعمل التجربه ذي ولا رح اكررها لاني بدفع المبلغ كامل من جيبي الخاص ولارح اقدر اكرر التجربه ان لاقدر الله وفشلت

لذلك ابي معلومات كامله قد ماتقدرون الله يوفقكم