طيب الوظيفه جتك أذا ماراح تداومين يعتبر عدول منك وماراح يوظفونك للا بد انا من رأيي
تروحين تداومين والمناطق الي اخترتيها مره قريبه 25&40ان شاء الله ماراح يبعدونك كثير
أنا اداوم 250 طاقه مشوار رايحه جايه بس لاني بحاجة الوظيفه صابرة ومتحمله وبعدها بحاول اقدم تعيين لين يفرجها ربي

ياعمري ياقمة التفآئل وربي حسيت فيك
لاني انا بعد مثلك مقدمه على مركز المحافظه اللي انا فيها بس وابعد منطقه تابعه له 100ك
وجاني التعيين
فرحت اول مره بس لما سألت وحده بالاشراف في منطقتنا قالت لا ان التعيين يجي بكل المراكزالبعيده
يااااارب يفرجها علينا من اوسع ابوابه
اقسم بالله احس بغصه لاذكرت التعيين يعني محتاجين بس ماودي اشتت اطفالي
خصوصا حنا القديمات يعني فوق 13سنه اقدميه ويجيني التعيين بمنطقه تبعد350ك والله قهر
تمنيت ان التعيين ماجاني على الاقل اخذ حافز واسلم من الشتات
ودي ينظرون بهالسالفه يعني لايسااوونا باللي توها بنت ماتزوجت ومحرمها مستعد يسكن معها
ماتفرق معها باي منطقه مستعده نفسيا وجسديا تروح
لكن اللي مثلي ياحسره غربه وماعندي احد وزوجي مو قادر يجي معي وعندي طفله تعبانه غير الاطفال اللي بالمدارس
بالله مسؤليه وصعبه اتركهم كل النهار مع شغاله
وبنفس الوقت ربك هو وحده العالم بالحاجه الماديه
معليش ياقلبي طولت بهذرتي لاني والله فرحت بموضوعك وحسيت انو فيه مثلي
لكن لا نملك الا ان نقول
اللهم دبرنا بأحسن التدابير واختر ماهو فيه الصلاح لنا يااارب العاالمين

الله يعينك ياقلبي ..استخيري وربك ييسر لك الخير يارب ..
وبعدين مافي تعيين قريب كله بعيد نتحمل شوي وبعدها ربي يزينها ارحم من الانتظار كل سنه ..وربك يعين

أسئل الله العظيم رب العرش العظيم ان يجعل لكم من كل ضيق مخرجا ومن كل هم فرجا