بنات انا حزينه

مرحبا بنات..
انا بدخل في الموضوع على طول ..انا مضايقه وايد ومب مرتاحه في حياتي مع كل الناس مع زوجي واهله وحتى صديقاتي الى كنت احبهم واعزهم..انا من تزوجت وظروفي كل ما ياها تسوء وكل ما اقول فرجت تتعسر أكثر والله يا بنات اني ما ابالغ ..والى متعبني اكثر انه زوجي يدري بحالتي ولا يحاول يخفف عني لسببين الاول انه مب بأيده الظروف الى نحن نعيشها ولما اكلمه يضايق وايد ويقول بس انا ما بيدي شي والسبب الثاني انه اول ما تزوجته صارت لي مشاكل مع امه وخواته وطلعنا من بيتهم ورحنا بيت جدته وعماته بس احس اهله كلهم صنف واحد..احس الى كنت اشوفه في بيته مثل الى قادعه اشوفه عند جدته..معامله سيئه حتى الخدامه ما يبونها تسويلي اى شي يعني لأي درجه..احيانن لما اطلب منها تجيب الغدا او العشا ترد علي بالفلبيني وانا ادري انها تسبني بس ما احاول اثير مشاكل لانه مالي بعد هالبيت الا بيت ابوي لانه زوجي ما يقدر يفتح بيت النا,,مشاكلهم ما تخلص وصال لي سنه على هالحال وانا متزوجه من سنه اجذب لو اقولكم اني حسيت في يوم اني عروس مثلي مثل باقي البنات الى تزوجو..ما ادري شو ازيد,,الدنيا مسوده في عيوني خاصه بعد ما توفي ابوي الله يرحمه الى كان اكثر انسان يسمعلي ويحن عليه ويخفف عني كان اهون عليه يموت ولا يشوفني مضايقه او احد مضيقني..ومن بعده صرت ما احب اكلم اهلي عن ظروفي لاني تعبت والحل عندي انا ,,بأيدي انا ,,انا الى لازم اتخذ قراري بنفسي..وللعلم انا حامل الحين بس خايفه على هالبيبي من هالظروف,,ماله ذنب يعيش بمستوى اقل من الناس ..تصدقون لو اقولكم اني حياتي في بيت اهلي كانت مليون مره احسن وافضل وايسر من حياتي الحين بس الشكوى لله,,
بنات اذا قلتوا انتى عارفه قبل لا تزوجين بظروف زوجي ,,اقولهم انا امه كانت تقول لي شي والواقع شي ثاني واول ما تزوجنا كان زوجي شاد عليهم ويحاسبهم على اغلاطهم وهذا ما كان يعجب الام لانها ما كانت تحس انه لها دور وخاصه قدامي ,,وتسببت لي بمشاكل ما تخطر على بال احد لدرجت انها كانت تتصنت علي انا وزوجي وفضلنا انا نطلع اسلم لنا..زوجي من طلعنا من بيت امه وهو ما يكلم امه ولا يزورها مع اني انا واهلي يكلمونه على الاقل ما يقطع السلام بس ما يسمع الكلام,,,اسفه على الاطاله