ايشوريه @ayshoryh

محررة فضية

بنات انا خايفه اخذ ذنبها عطوني حل ..

بقولكم من البدايه واعطوني شوركم ..

انا لي عم توفي قبل كم سنه بحادث طائره وترك وراه بنتين ولد الحين عمره 20 سنه وزوجه عمي انسانه سيئه الأخلاق يعني ماتحشم احد اخلاقها بخشمها خصوصامع امي لأنها تغار منها والله يا ذقنا المر والإهانه منها ولا يقدر احد يكلمها انا صرت اكرها من اللي صدر منها والمشكله العايله كل ابوها حاطينها دينه وتخاف الله والله يابنات صوتها عالي وجريئه مع ابوي وعماني خصوصا بعد ماتوفى عمي الكل صار حولها وقد مانسأل عليها وابوي معهم مادينا ومعنويا و ماتعطينا وجه حتى بناتها سيئين بالخلق ..

المهم ولدها الحين صار بسن مراهقه وكل يوم سهرات مع اصحابه وصارت تدق على زوجي تبيه يكلمه وزوجي صار ينصحه بس اتصالاتها كثرت واسئلتها وسواليفها زادت والله لو اني انا مكلمتها اجر كلامها جر ودها تسكر بعد ؟؟

وصرت المح لزوجي بس بالبدايه مافهم .. على فكره زوجي ولد عمي يعني يقرب للولد

وصار عشا عندها ودقت عليه وعزمته وانا لي كم شهر كل ما ادق عليها انا وامي ماترد !!!

طبعا زوجي اتفجأ باللي سوته وجا البيت وسألني قلتله محد دق علي ؟؟

بعدها احس انه زوجي بدا يكرهها ولايرد على اتصالاتها

بنات انا اكرها وما احبها ويضيق صدري لمن اسمع سيرتها بسبب افعالها ..لاتلومنوني احس انها تكرهنا كره والله ما اذكر يوم اذيناها ولا جرحنها بشي ..

المهم هي تسببت على ولدها بحادث اليم والدكاتره اجمعوو انه انشل طبعا بسببها انسانه جباره الله يسامح الجميع والولد حنون وطيب ويحبنا ونحبه كثير الله يشفيه..بس ماعرفت تراعيه تعانده وهو بسن مراهقه يبيله مداراه..

وصار اخواني يروحون لولد عمي ويزورونه ويودونه مواعيده والمصيبه كل يوم داقه على واحد تعال سو تعال روح ولافكرت حتى تشكر امي او تستحي يعني هم يسوون اللي عليهم بس عندهم دوامات ومشغوليين وعندها ابوها واخوانها وعماني واليوم كلمت اخوي وصارخت عليه لاجل يودي ولدها الموعد واخوي يا حرام تعب من كثر المشاوير وقالها خلي السواق يوديه وسكر وجا اشتكى منها ..

طبعا عصب عليه زوجي وقاله كثر الله خيرك انك انت واخوانك موفيين بس المصيبه في تطنيشها لنا اذا دقينا ما ردت ولا ارسلت لنا وحده من خواتها تملي علينا طلباتها ..

واليوم داقه علي تكلمني بطرف خشمها تبي خدامه ؟؟لي اكثر من سنه ماسمعت صوتها بالله وش اسوي ادورها ولا اطنشها ..

اختي عصبت تقولي عقب اللي اكلنا وناكله نشتغل مكاتب بعد ليتها طيبه اعطيها عيوني ..والله مدري وش اسوي

اخاف اذا اغتبناها ولا طنشناها ربي يزعل علينا خصوصا انها ارمله ..:44:

يلزم عليك تسجيل الدخول أولًا لكتابة تعليق.

تسجيل دخول

بنت الأوغلو • 14 سنة

لو انا مكانك ماعلي منها

amerh>> • 14 سنة

والله مادري الله يعينك بس
انتي شاوري امك وزوجك

فيونكه تركوازيه♥♥ • 14 سنة

واللهـ لو انا مكانك لاربيها عاد واوقفها عند حدها
عطيها كم كلمه وسكري في وجهها هذي مره متماديه ووقحهـ

sweet-design • 14 سنة

عاملوها بالحسنى والصبر زين شتسون ؟ انتو غايتكم رضى ربي والله يجزاكم خير سوو خير وقطووو بحر لاتحترون من احد يعاملكم بزي اللي تعاملونه ومسير ربي يصلحها ويهديها.

الغلا غلاها • 14 سنة

و الله لو انا منك اطنشها

الله اكبر، الله اكبر ، الله اكبر
لا إله الا الله ، الله اكبر ، الله اكبر ، ولله الحمد