لو عندي شغاله والله ماراح اقصر بشي،
يوم عندي شغاله كل شوي اطبخ واخربط واخيرا ضبطت طبخاتي وانوع لعيالي وابوهم وادلعهم
لكن الحين يدوب اسوي كبسه وسلطه مافي وقت واكون انكرفت من الشغل مالي خلق اتسنع بالطبخ

يعني بالمختصر ولاتزعلين انتي كسلانه ومافيك تقومين تجربين وتبدعين
ابدا مااعذر الي عندها شغاله وماتجرب طبخات وتتعلم
الا اذا كانت مريضه
انفضي ثوب الكسل وجربي وخربطي
لين ماتظبط معك طبخه

ياروحي انتي ماقلتي مشكلتك الا وانتي حابه تتغير
وهذا اهم الشي العزيمه ..ابدي صفحه جديده بعزم وهمه وكل شي سهل دام ان عندك شغاله لان تنظيف البيت على الشغاله كلله انتي تتولي الاشراف نظمي لها شغلها كل يوم قبل تروح دوامك صحيها بدري وخبريها بكل الاشغال اللي انتي حابه تسويها قبل تجي من دوامك كل شي بيتك خليها تمسكه يوم بيوم التنظيف العميق اقصد اما اليومي اكيد بتعرفه ..نجي للطبخ
شوفي الاكلات اللي تحبها اسرتك وابحثي عنها باسهاب بالنت اوالاستقرام بوقت الفراغ ..كبسات مثلا
كشني بصل وزيت وقلبي الدجاجه واحمسيها وين ثم حطي مويه عليها فايره وحطي فلفل حار اخضر لوماعندك فلفل اسود حبات انا بحط5وعود قرفه و5حبات هيل ماحط ابزار لو انا حابه الرز ابيض بس لوكنتي ابغاه بصلصه بحط ابزار حار وبارد برغبتك شوفي اللي تحبونه وانتظر ربع ساعه واكون ناقعه الرز بمويه حاره بروح شايله الدجاج وبحطه بصينيه وخلطه الوجه زيت زيتون اوزيت اختياري وابزار وملح وعصير ليمونه بخلطه وبوزعها على الدجاج وبكل مكان وبحمرها من فوق ماتاخذ خمس دقايق وارجع احط الرز بعد غسله وتنظيفه المويه فوق الماء ممكن ثلاث اصابع وانتي شوفي بالنظر خليه على نار هاديه بس يستوي بتجهزي الرز بصحن التقديم والدجاج فوقه ويا سللللام لو تحبي تغيري خلطه الدجاج فص ثوم وابزار وليمون وملح وشويه زنجبيل وصلصل 3 ملاعق وتخلط وتعمل خلطه وجه لدجاج ..انا ذكرت لك هالكبسه لان اظن اغلب الرحال يحبو الكبسات اما الصواني اكيد مليان الطرق بلاستقرام وماتحتاج سوى اتباع الطرق وحابه اقول لك لابد تطبخي بهدوء وروقان بدون استعجال لان العجله تخلي الاكل مايظبط واكيد الشغاله بتتكفل بشغل المطبخ
والعصر اعملي قهوه ومره بلاسبوع حلا ولا كيك
ونظمي نومك وحياتك راح تتغيري باذن الله
واكيد الواحد ماراح يتعلم من اول مره بس العزيمه والاصرار راح تنجحي وتصيري طباااخه
كل الفنانات بالطبخ مخلقوا طباخات لكن اتعلموا واخفقوا مره ومرتين وعشره وبالنهايه تعلموا من اخطائهم ونجحوا بالنهايه وانتي حتنجحي مثلهم..الله يسعدك يارب ...ونصيحه مني لانسي صلاه الليل وسؤال الله الاستعانه منه وقراءة اذكار النوم والتسبيح قبل النوم وصيه نبينا صلى الله عليه وسلم لفاطمه طول عمرك لاتغفلي عنها وراح تتغيري 180 وذكر الله طول اليوم خاصه وقت راحتك فيه سعاده وراحهوقوه بدنيه ونفسيه

ابد الشغاله تشيل عنك ثلاث ارباع الشغل انتي اطبخي وبس وهي تنظف وراك وتقطع لك اللي تبين بصل وثوم وطماط كلش
ومن ناحيه النظافه خلي التنظيف العميق كل اسبوع ويومي تمسيح وغسيل حمامات وهذا على الشغاله بس انتي اشرفي عليها


ابعطيك حساب وحده بالانستقرام وعندها سناب بعد راعيه تنظيف وترتيب وتنظيم يمكن تستفيدين منه ان شاءالله


@om_shahoooody

جزاكم الله خير جميعا الله يوفقكم يارب