ياختى لاتتضايقين في كل الاحوال كسبانة ان شاء الله اول شئ هى تغتابك
ثانيا انتى بنت اختها يعنى محد راح يصدقها عندنا وحدها مثل سالفتك خالتها ام زوجها ومحد يصدقها مع انى ذيك محد يعرفها بس الكل معاها لانها قريبتها وبنت اختها بعد وهى اللى اختارتها

انا اعارضك بفكرة الكتمان حبيبتي حنا بشر لا زم ماتضايقين نفسك ولا تكتمي لازم تتخذي موقف جاد يعني اذا لك 6 شهور وجاتك كل هالاهانات طرده وجراءه واخت متسلطه
والله انا مااابي احرضك ولا شي بس مقهوره عليك
يعني بالقليل تخبري امك اوو اخواتك عالقليل
لانهم راح يتمادوا اكثر واكثر لازم توريهم انك بنت ناس ويضربولك الف حساب00
اهل زوج اخر زمن!!!

اختي قولي حق ابوج ومسكي لسانج واخذي الموضوع عادي وطمنينا عنج

السلام عليكم

اشحالكم بنات .. والله فرحت وارتحت وايد يوم شفت ردودكم لي ..

المهم بقولكم شو اخر شي صار لي..

خالتي ام زوجي البارحه اتصلت بامي وقالت لها بان عمي نازعني واهاني وباني انا صحت

وايد .. والكلام الي قلت لكم عنه قبل .. المهم امي عصبت .. فخبرت ابوي بالموضوع .. فزقرني

ابوي .. وسألني عن الموضوع فالصراحه انا طلعت كل الي في خاطري وما خليت شي ما قلت

له من اول ما سكنت عندهم لي احين ..مع اني انا والله ما كان في ودي اني ارمس بس غصبن

عني.. لان المشكله خالتي ما تقدر تمسك لسانها ( شكلها شبعت وخبرت كل حد بالموضوع ..

وحبت تختمها بأمي ).. المهم احين ابوي وااايد معصب وما يباني ارجع بيتهم بالمره الا اذا

زوجي شاف لنا مكان ثاني نسكن فيه ..وانا الصرااحه بودي ارجع وما في ودي..بودي ارجع

لان زوجي وحشني والصراحه ما اقدر اصبر من غيره .. وما في ودي ارجع لاني ما ابي

اشووفهم

..وزوجي يقولي اصبر عليه شويه لين ما تتعدل اموره شوي ..

والله محتاره وتعبانه نفسيا ..واحس بأني قاعده في دوامه .. والله يعيني انشالله

ومشكورين مره ثانيه على ردودكم وكلامكم الطيب لي والسموحه لاني تاخرت عليكم في الرد

حبيبتي والله انك انسانه صبوره جزاك الله خيرا
و بعد انا جربت الحياه المشتركه و الله انها نار بتحرق جميع الاطراف نصيحتي لك انك تعيشي مع زوجك بمنزل اخر و حتي لو كانت غرفه فهي ستكون في نظرك قصر اهم شي راحه البال