*** بنات انا غريبه كيف اتعرف على الناس . معدل ***

تعبت من حالتي الغريبه ليش انا كذا
ليش صفاتي الشينه ماقدر اغيرها
اكره صفه فيني الخجل
الخجل حرمني اكون اجتماعيه
انسانه احب الوحده وماحبها
ماحب الوحده لاني ابي صديقاتااااااات مقربات لي
حياتي فاضيه ماعندي ولا صديقه ابدااااا
واحب الوحده بنفس الوقت عشان الناس ماتنتبه لعيبي الي هو الخجل والصمت انا قليله كلام جداااا ماعرف اسولف ماعرف اجيب قصص وهذره كثير اعرف بس اتكلم في نقاش يعني لو نناقش موضوع لساني ينطلق بس بشرط الطرف الثاني هو يبدا النقاش انا ماابدا
تخيلوا دوامي فيه بنات من كل الجنسيات ودي اتقرب منهم بس انا ماسولف ولا اعرف اسوي علاقات اقعد انتظر هم يبادرًًون ابيهم هم يجوني انا استحي اروح لهم
ومعاي بالمكتب بس زميله وحده لي سنه الحين ماعرفت اكسبها كصديقه لان تواصلي معاها ضعيف
ودي اكسب البنات ودي اكسبهم صديقات ودي اكون اكثر حيويه مو بس ابتسم واسلم واندعس بمكتبي احس دايما بالاحراج لو رحت مكاتبهم افكر يمكن مشغولين يمكن مايبوني زين لو رحت بسولف في شنو ماعندي سوالف
كثير يحسبوني غامضه لقلة كلامي
احس بالاحراج بيني وبين نفسي ان ماعندي ولا صديقه
افكر لو تزوجت من بيحضر عرسي وانا لا صديقات ولا قريبات عندي
اخاف من الغلط واني الجأ للنت واكلم الناس بس عشان اكسر الملل والوحده
كيف اكسر الخجل والصمت واصير متحدثه وعندي شخصيه كاريزميه وعندي صديقات كثير