طيب أفرضي هو كان يشتري له شغلات من وراك وما خبرك
شي طبيعي بتنقهرين وبتنزلين موضوع وبتقولين لييييييه يخبي عني
مو أنا زوجته والمفروض أعررررف نفس الشي هو حس إنك تسوين شغلات من وراه
وهالشي مو عادي ما فيه أزين من الصراحه حتى لو أقترح عليك ماتشترين
بالتفاهم والنقاش ممكن ربي يهديه ويوافق
ويقطع 200 عشان نزلك حافز ماله حق لكن شافك ساكته ماهمه
المفروض قلتي له تخيل حافز مانزل بتمشي هالميتين وطالبتي بحقوقك
بس أنتي معودته إنك ماتطلبين لذلك صار يتكاااااثر عليك أي شي !!!!!!!
أي رجل شي طبيعي بيزعل وينقهر لما يشوف زوجته تتصرف من وراه
ولا تحط عنده خبر نفس ما الزوجه تتضايق بعد إذا شرا ودفع وهي ماتدري !!!!!
بما إنك إعتذرتي خلاااص أتركيه يرضى من نفسه لا تكثرين الإلحاح عليه
هم كذا إذا زعلو يطولون عشان يصفون .....

بصراحه له حق يزعل اذا كانت الامور الماديه واضحه بينكم وما تعود يخبي عليك شي
اما ان كان ما تعرفين وش الداخل له وش اللي صارفه اشوف ماله حق
وبعدين لا تزعلين منه لو زعل من صرفك للفلوس انت عودتيه ان مالك طلبات غير اساسيه اربع سنين وهو مايدري عن هالطلبات فطبيعي جداً يستنكرها الحين لما انزنق مادياً
كل واحد منكم اخطأ بشي وبصراحه المفروض تصارحينه بكل شي زي ما قلتيه لنا
وان شاء الله بتصفي النفوس

اااااااااااااااب

والله انتي الغلطانه اول شي رضيتي بالميتين و حتى لما قطعها سكتي 
لا و الادهى ماتطلبينه شي لعيالك و يوم انك جمعتي لك 500ريال و اشتريتي لك فيها زعل 
قولي له انا ما طلبتك كل شهر مصروف الفين ريال و لا نزلتك السوق و اخذت الي ابي و خليتك تدفع احمد ربك مجمعه مصروفي و اشتري لي احتياجاتي و معروف الاشياء الي تحتاجها الزوجه قديش لو تنزل السوق كل شهر يادوب 
وبعدين هالميتين يعني بتغنيه و تأثث له بيته لا والله لكنه شاف فيه ضعف الشخصيه و سكوتك و الله لو عودتيه على الصرف من البدايه كان عرف ان الله حق 
لا تعتذري له ولا شي خله يبلط البحر لاعطاك مصروف تشتري فيه كل الي تبين و قدامه ذيك الساعه قولي انا غلطت
لكن انتي بخلتي على نفسك و هو رسخ فباله انتي ماتستاهلي كل هالاشياء.  

وليش تتأسفي ؟؟
مو انتي مجمعة فلوسك ؟؟
ما ضحكتي عليه واخذتي ال500 ريال من جيبه من غير مايدري عشان يلوي بوزه ويزعل !!!
وبعدين بطلي تستحي من زوجك يابنتي .. الحمدلله طيب معاكي ومايقصر
وانتي مستحية تطلبي منه بامبرز وحليب ( لعياااله ) !!!
عياله هاه ؟؟ انتبهي لهذي النقطة .. عشان ايش تستحي ؟؟؟
ثاني شي انتي غلطانة في شغلة .. خليه يشوف مشترواتك ايش فيها يعني لو عرف ؟؟
ترى انتي حرمة ولك زينتك ولبسك وطلباتك
لاتعوديه انك مالك طلبات !!
اربع سنوات وانتي على هذا الحال !!!
والنتيجة استنكر عليكي غرض ب500 انتي مجمعتها واشتريتي بها شي هو يشوفه ماله داعي لانه ماتعود
خليتيه يتعامل مع متطلباتك على انها تبذير واستهتار !!!
والله ما الومه لمن زعل ... انتي عودتيه على كذا .. لا.. وكمان رايحة تتأسفي وزعلانة عشانه شايل في خاطره!!
حبيبتي ... اتعلمي توريه الفرق بين طلباتك وطلبات الرجال
الرجال لبسه ثوب واذا كشخ سواه مطرز .. وشماغ والا غترة واذا كشخ اشتراهم ماركة ماتكلفه شي
وانتي لو بتروحي فرح واحد من اخوانك يبغالك اقل شي 500 ريال ميك اب وشعر
و فستان تكلفة قماشه من غير تفصيل فوق ال1500 -2000 ريال
ايش بتسوي يعني لمن انتي من اساسك ماعودتيه على انه يشوف بعينه ويعرف احتياجاتك ؟؟
بتروحي فرح اخوكي ناقصة واقل من غيرك عشان حضرة جنابه مايزعل
اذا على 500 ريال جمعتيهم سوى لك عمنا الزعلان وقوموا راضوه!!
اجل لو تبغي اكثر ايش بيسوي ؟؟؟
يختي بلا هم ... قولي له انت متزوج حرمة .. أنثى .. طلباتها وزينتها واحتياجاتها مو زيك ..
ربنا سبحانه وتعالى قال عنها ( أومن يُنشأ في الحلية وهو في الخصام غير مبين )
يعني تتربى وتتنبّت وتنشأ في الدلال والدلع
ربنا فرقها عن الرجل وحلل لها الذهب والحرير وحرّمه على الرجال ..
متى تستوعب الفرق يا اخي؟؟؟
لاتقعد تسوي لي قصة عشان 500 ريال .. قال انانية قال!!
ايش المفروض يعني ؟؟؟
المفروض اجمعهم وبعدين اسوي لك سربرايز اجيب لك طراطيع وزينة وانثرهم عليك واتنطط فرحانة واقولك هييييه هيييه جمعت لك فلوس هيييه هييييه واعطيك هم في علبة مربوطة بشريطة حمرا عشان تنبسط !!!!
احمد ربك اني قاعدة اجمع قيمة الولادة في المستشفى الخاص
المفروض انت اللي تدبرها لاتقعد تقولي مزنوق ومدري ايه ترى هذا واجبك
غلطتي اني ماعودتك ولا علمتك ..
بدال ماتفرح لي وتشكرني اني حرمة مدبرة وشاطرة عرفت اجمع واجيب اللي ابغاه من غير ما ادخلك في زنقة واطلب منك فلوس تقوم تلوي بوزك !!
اعذريني لو كلامي يزعل..
بس حقيقي والله انتي الغلطانة وبتتعبي كثير في حياتك معاه لو قررتي تصيري زي الحريم وتطلبي من غير ماتستحي .. بتشوفي ردات فعل غريبة بتجننك ..
الله يعينك