بنات انا في هم وضيق شديد ... ياليت تساعدوني

السلام عليكم ورحمة الله وبركاته
وكل عام والجميع بصحه وعافيه يارب ومن العايدين الفايزين


اخواتي انا سبق ونزلت موضوع اني لما كنت في منتصف الشهر السابع من الحمل نزل علي دم ولاحظت زوائد لحميه طالعه من المهبل وقت قضاء الحاجه بعدين ترجع تدخل جوا
وراجعت وشفت ان الحمل سليم والمشيمه سليمه وطبعا ما احد كشف علي من تحت وقالوا ممكن زوائد لحميه ودكتوره ثانيه قالت انها مو في المهبل لكنها في منطقه الشرج واعطتني مرهم وتحاميل رغم اني متأكده ان مكانها في المهبل
اللي حصل بعدين انه بعد دخولي للشهر الثامن وكالعاده طلعت هذه الزوائد وجاني طلق وخفت من الولاده المبكره ورحت للمستشفى وجت الدكتور ة تكشف علي وعشان تتأكد من الرحم هل هو مفتوح او لا .. لكن انصدمت جدا لما شافت هذة الزوائد وكلمت الاستشاري وتبين بعدها انها ماهي زوائد لحميه ولا بواسير
والمشكله طلع هذا الشئ البارز هو عنق الرحم وانا جدا جدا خفت وانصدمت ليش ينزل ويورم بها الطريقه
وتنومت وكانوا ناوين يحاولون يرجعونه بس بعد ساعه رجع دخل لوحده وهذا اللي خلاهم يستغربون اكثر .
طبعا انا خايفه من هذا الشي لعده اسباب وخاصه ماعمره حصل لي
بس انا خايفه ساعه الولاده تطلع وتورم وماتسمح بالتوسع عشان الولاده ويضطرون يسوون عمليه بعد ما انا اتبهذل بالطلق لاني سألت الدكتور وقال العمليه هي الحل الاخير
وهم حاليا مايقدرون يسوون لي شي لحد بعد الولاده
من فيكم سمعت عن شي زي كذا وهل ممكن تتم الولاده الطلبعيه بيسر وهل يمكن يرجع عنق الرحم لوضعه الطبيعي بعد الولاده
وسؤال هام هل في تمارين اقدر اسويها وانا حامل وتساعد على رجوعه وكيف اتخلص من الامساك لانها اكثر شي تنزل بسبب الامساك
وهل في وضعيات تساعد على رجوعه لوضعه الطبيعي


انا جدا خايفه ومتوتره وانتظر افادتكم بارك الله فيكم