الله لايحرمني منكم يالغاليات

مثل ماقالت الاخت الى قبلي وهاذي نصيحة الرسول صلى الله عليه وسلم لإبنته فاطمه حين طلب خادم

قال لها سبحي 33 مره وكبري 33 واحمدي ربي 33 مره فهي خير لكي من الخادم

وفعلن جربتها والله يجيك نشاط بشكل ماتتصورين لدرجه حتى الادراج اسحب فيها واغير اماكنها

جربيها وبتحسين بنشاط

بصراحه إذا ما حطيتي في بالك إن شغل البيت سهل ومهم راح تتعبين نفسياً وجسدياً

لأنه مايخلص وإذا نظفتيه حبه حبه بين الحبه والحبه يجيك بدالها عشرطعش شغله جديده

و منظر بيتك بيكون متعب نفسياً

لكن أول شي إبدأي يومك بذكر الله وقراءة القرآن بعد صلاة الفجر

وحاولي تشتغلين بدري في الصباح فيه بركه

وقللي وقتك على النت ياليته مو موجود لو ماكان موجود كان كل وحده فينا بخير

أخذ وقتنا الله يقلعه

وقللي وقت النوم مو كل يومك نوم قرأت إنه مضر بالصحه


الله يفرج همك وهم كل مسلمه ويفتح نفسك على بيتك وترتبينه وتنظفينه

اناياختي فيني اقزيما بس البس قفاز وش راح تسوين لوتركتي شغل البيت زوجك ماراح يجلس عندك من الوسخ
اختي نطفي بيت والغسيل كل جمعةغسلي علشان ماتملين وترتيب اول باول علشان مايتراكم عليك وبس حبيبتي
اذاتركم الشغل ماراح ترتحين نفسين تفكيرك كله متي راح اخلاص وعلشان الكسل مايسيطر عليك قومي تعوذي من الشيطان والبسي قفاز وراح تخلضين
شوفي اذاكانتي في الرياض روحي مستوصف شمايل في السويدي الدكتوره ايمان خوري انااروح لها مرره فادتني القزيمه ماتجيني مثل اول الحمدالله *****الله تكوني من اهل الرياض

انا عانيت كثير من الاكزيميا

فيه بالصيدلية قفاز خاص
يجي قفاز قطن ومعة قفاز بلاستك
تدهنين ايديك اول ثم تلبسين القطن ثم البلاستك
لأن البلاستك وحده يضرررر ويزيد من الاكزيما

ورحت للدكتور عبدالله السماري واعطاني مرهم خفت الاكزيما علي كثير بعد ما عانيت منها 8 سنوات
وهذا اسم المرهم واسألي اذا هو يناسبك

Diprolene*Cream 0.05%
وطريقة استخدامه
تغسلين بصابون دوف اللي بالكريم
تنشفين زين
تدهنين بالكريم
تلفين مكان الاكزيميا بنايلون الآكل لمدة ليلة
تستخدمي المرهم شهريا كذا
ثم بعدين بدون نايلون
واذا طابت وراحت خلي الفازين معاك على طوول رطبي ..

وياليت تستشرين دكتور قبل لا تستخدمينه لانه قوي ..