اخواتي كثيرات منا تخطي في عدد الركعات وتسهى ويسرح تفكيرها
انا كنت اكثر ما اعاني منه هو نسيان كم عدد الركعات اللي ركعتها
1- حددي كل ركعة سورة صغيرة
يعني مثلآ الركعة الاولى الاخلاص
الثانية الكوثر
الثالثة النصر
الرابعه العصر
واذا تفضلين تغيرين السور غيريها
لكن شرط تكونين محدده قبل تصلين ايش تقرين في كل ركعة
واستمري على هذي السور وعلى هذي الطريقه الين تحسين انك خلاص صرتي تتحكمين بعدد الركعات
ولاتفوتين ولا تزيدين
الغاية من هذي السور انك تكونين مسمية كل ركعة باسم السورة
فلما تجين تذكرين انتي كم صليتي ..تذكري انتي ايش قريتي...الاخلاص والكوثر؟؟.. خلاص انتي كذا صليتي ركعتين وقومي كملي ........وهكذا
كل سورة في مكانها..؟؟..........اذا خلاص انتي تمام
لكن في صلاة العشاء ما تقرين في الركعتين الاخيره الثالثه والرابعه شي
وهذي فتوى لأبن باز بخصوص قرأة ماتيسر في الركعتين الاخيرتين
http://www.alandals.net/Node.aspx?id=108
يارب اني قدرت اوضحلكم قصدي
2- حاولي ماتصلين في مكان مزعججج وفيه مضارب عيالك وسوالف وتلفزيون شغال ابعدي قدر الامكان
وانصحك تاخذين مكان تخصصينه مصلى لك..
فيه سجادتك وطاوله صغيره عليها مسواكك.و فيها كتاب تفسير (ايسر التفاسير)) اوراق او كتيبات اذكار الصلاة واذكار الصباح والمساء وادعية وقرآنك
هذا افضل من انك كل ساع انتي في مكان استقري احسن في مكان هاادي..
لآن مع الأيام بترتاح نفسك ....وحتى لما يجيك العذر الشرعي تحسين بالشوق سبحان الله لهذا المكان
وكيف ماتحسين بالشوق...وهذا المكان اللي تقابلين فيه حبيبك كل يوم خمس مرات من غير النوافل
ياااااااااارب املء قلبي حبآ لك...يـــــاااارب يا كريم
واسالك يا حبيبي يا ربي ان تجعل حبنا لك اشد من حبنا للمااء البارد في اليوم الحار ..امــــــــــين
3- ولما تجين تقرين ارفعي صوتك شوي لاتجهرين بالصلوات السريه لكن بحيث تسمعين مخارج الحروف ورتلي لا تستعجليييييييييين
وياليت تقرين تفسير سورة الفاتحة والسور اللي ناوية تقرينها في صلاتك..
عشان يكون فيه تدبر ولما تقرين تعيشين مع الاية او السورة الصغيرة
ترى من اهم اسباب سرحاننا في الصلاة استعجالنا في قرآة السورة....ندحدرها دحدره
وهذا غلط..... خذي وقتك وتدبر الاية وعيشيها
الله سبحانه قال لـ حبيبه صلى الله عليه وسلم{لا تُحَرِّكْ بِهِ لِسَانَكَ لِتَعْجَلَ بِهِ}
4- عند السجود طولي حبتين لا ترفعين على طول...
وتذكري ان ذنوبك الصغائر تتجمع على ناصية جبينك وساعة ما تسجدين تتساقط...وكل ماطولتي وخذتي راحتك في السجود ...
كلما تساقطت ذنوبك اكثر على حسب مدة سجودك.........يا سلااااااام يارب لك الحمد
ننتبه: وقت السجود نبسط الكفين لوجوب السجود على الأعضاء السبعة
5- وانصح نفسي وإياك بالنظافة الشخصية....!!
معليش كلنا نشتغل بالبيت ونعرق وكذا.. لكن الملائكة يزعجها اللي يزعج بني أدم من روائح
وسبحان الله الشيطان ينفر من الروائح الطيبه خاصة المسك والعوده..امسحي اباطك والاماكن الاخرى
واسفل بطنك وعلى رقبتك...وهذي العطور خليها على الطاوله مع الاذكار والقرآن
ورشي شرشف الصلاة والسجاده بالعطور والمسك....
كذا ان شاءلله يكون مفعول وسوسة الشيطان في صلاة قليل ومع الايام والمجاهدة تنعدم بأذن الله..والله قادر على كل شي
اخر شي والمهم والاهم انك تدعين الله في كل سجودك انه يرزقك الخشوع في صلاتك وتدبر الآيات.(( ويا ليت يا بنات كل يوم نقرأ آية ونقرآ تفسيرها)).واشكي لله حالك وقسوة قلبك و من سرحان وشتات القلب في صلاتك..
قولي اللهم اني اعوذبك يا ذا الحصن المنيع والركن الشديد ياممسك السموات السبع ألا يقعن إلا بذنه اعوذبك من شتات القلب والعقل في صلاتي وفي طعاتي وعباداتي..اللهم علمني وفهمني التفسير وارزقني الخشوع وانكسـار القلب بين يديك..يارب افتح على قلبي اقفاله ونورني ونور بصيرتي
وترى يا خواتي اغلب عدم احساسنا بالخشوع او نومنا عن الصلاوت هي ذنووبنـــاااااا المعاصي اللي تراكمت على ظهورنا:44:
لكن ربك رحيم يفرح بتوبتنا وباستغفارنا وباقبالنا عليه سبحانه جلا في علاه وهو الغني عني وعنك..
فأكثري من قرآة القرآن و الاستغفار والتوبه...لان الحسنات يذهبن السيئات
بنات تراني يوم اني اقولكم كل هالحكي ..
مو معناته إني خلاص صرت ابن باز ولا صرت كأني وحده من الصحابيات
انا أمةٌ مسكينه اعاني مما تعنون منه من شتات القلب والذنوب...
لكن ربي الهمني ان اكتب هذا الموضوع..
واذكر نفسي واياكم بـ خطوات قد تنفعكم ...مثل ما بديت فعلا احس بثمار المجاهده فيها وتحسن واضح في صلاتي..بفضل من الله واسال الله ان يثبتنا واياكم
وتذكروا يا اخواتي الحبيبات ان مافي شي يجي بيوم وليلة..لازم تجاهدي نفسك
مافي شي بساهل لازم تبينين لربك انك صادقه وتبين تعبدينه صح
لان من صدق الله صدقه....اسال الله لي ولكم الصدق والأخلاص
اخواتي ,,,,
يقول سبحانه وتعالى
وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا 
وهذا عهد من الله إننا اذا جاهدنا انفسنا ربي بيهدينا...والله كريم قريب رحيم سبحانهكل اللي علينا مجاهدة النفس مستعينين بالله
(( اللهم اني اعوذ بك من النفس الامارة..واسالك النفس اللوامه))
وهذا ماكان من توفيق فمن الله تعالى وحده..والحمدلله
وماكان من خطأ او نسيان فمني ومن الشيطان...
وصلى الله وسلم على نبيه وحبيبيه محمد وعلى آله وصحبه وسلم تسليمآ كثيرآ
WIDTH=400 HEIGHT=350
WIDTH=400 HEIGHT=350
بنات ياليت تشووفون ردي في الصفحة 4 رقم 133......وردي اللي بعده
احبكم في الله:26:
