بنات انا مجروحه ومادري ازعل ولا لا

تخيلو اليوم رحت انا وزوجي وبناتي لله يخليهم لي لبيت اهل زوجي وللعلم اهل زوجي الي هم امه واخته الي ماتزوجت وهي اكبر من زوجي مايحبوني ولا يواطنوني بعيشت الرحمن وعموما موهذي السالفه السالفه اننا لما دخلنا عليهم انا رحت عند الحريم وهو راح عند اخوانه في بيت الشعر وبعد مده دخل لمجلس الحريم لما دخل عالطول انا قمت من مكاني علشانه في صدارة المجلس ويقدر يشوفهم كلهم ويكون قريب منهم المهم هو شافني وانا اغير مكاني وراح وجلس بين امه واخته وتخيلوفي مكان ضيق لدرجة اخته زحفة شوي علشان توسع له قلت انا له قمتلك علشان تجلس وبس بصوت واطي مادري اذاهو سمعني ولا لا وبعدين رجعت لمكاني 000 مرررررررررررره ضاق صدري او الصدق تفشلت وهوعارف سواياهم فني الي يابنات ماتتوقعونها ومع ذالك يابنات ست سنين عمر هذي العيله ماسمعت مني شكوى تجاه ولدهم دايما احترمه قدامهم حتى لونكون متهاوشين وهم على سوايهم فني عمري ماتهواشت معهم اوتكلمت اورميت حتى كلمه في مجلس والشاهد الله ان بس اسفه الي قدامي يابنات يحقلي ازعل لما طلعنا قالي وش فيك قلت ولا شي قال لا فيك شي المهم قلتله ليش يسوي كذا انا عمري ماقصرت في احترامك عند العالم موهلك بس وان ماطلب دلعني قدامهم انا اقولك احترمني ولا تفشلني قالي انتي كذا تحبين تنكدين علي كل ماجينا اهلي تحاسبيني على كل شي لسويه والله يابنات عمري ماحسبته بس هو يطنشني قدامهم بدون سبب واذا طلعنا رجع وش حليله لوابي القمر جابه اما قدامهم ماتتخيلون حتى اذا سولف مايناظرني كاني ماني موجوده اذا سولف مع خواته اقصد المتزوجات اذا اجتمعو في بيت اهله وان شاركتهم الحديث ولا كاني اتكلم يوجه الكلام لهم تخيلو الي يشوفه يقول هومطنشهااو بينهم شي وحنا احلى مايكون يابنات هو مايقصر معي مااظلمه وحبيب مررررررررررره وانا عارفه ان اهله مايحبوني علشانه مدلعني بس عندهم يسوي كذا يحقلي
ازعل المهم هو من اليوم يراضي ويحلف انه مايقصد وانا حاسه انه يقصد ماقدر اصدقه مع انه حلف كم مره وبعدين حركته ماهي غريبه عليه علشان يقول مااقصد وش رايكم اكمل زعلي واطول فيها وش رايكم طولت عليكم :( :(