بنات انا مقهوره ليش يدسون حملهم ويسالون

صباح الخير

بنات انا منقهره استغفرالله العظيم الله يبعد عنا الحقد 

انا تمنيت احمل من اول ماتزوجت وتزوجت بعدي بشهر بنت خالتي وكنا نشمي لبعض عن الحمل ودنا نحمل 

انا مع الاسف ع نياتي بصفه انها بنت خالتي وقريبه لي علمتها ان ودي احمل وميته ع الحمل


وهي كانت تقولي بعد 


وماشاالله رزقها ربي وحملت 

بعد شهرين من زواجها يبنات ماعلمتني انها حامل الا لما سالتها هي بمدينه بعيده ونتواصل عن طريق الواتس 

انا سالتها قلت جتك الدوره ولا لانها كانت تقولي متاخره وسالتها بعد اسبوع وماردت وكتبت لها انا حامل امزح بشوف تعلم ولا يمممه وردت ماشاالله مبروك وانت بقول لك شي بس امانه مايطلع انا حامل 


يابنات خالتي اللي هي امهن ماتعلم بحملها محد يدري انها حامل الا لمابطنها يكبر 


المهم هي شكلها كانت خايفه من العين وشوفوا سبحان الله صقطت بعد حملها بشهرين 


ومرت الايام وانقطعنا ست شهور وفجاه سمعنا ان اختها حامل ولها 3شهور 


اختها الصغيره وتخيلوا بنات اختها صديقه اختي الصغيره يوم سالتها اختي قالت انتي حامل قالت اي حامل امانه لايطلع انا اختي فلانه محلفتني ماعلم خايفه اصفط مثلها تقول انا متحسفه اني علمت امانه لا تعلمين احد تقوله لاختي تخيلوت وقالت الله يرزق فلانه تقصدني والله يرزق كل البنات قالت اختي اصلا فلانه ماتبي الحمل قالت هي الا حبيبتي ميته ع الحمل يممممه يعني اختها معلمتها الكبيره 

المهم وبعد شهرين جانا خبر ان اختها الكبيره حامل ولها شهرين الله يتمم لهن ويرزقهن 



بس ليش يدسن الحمل ويسالن فلانه حملت ولا وع يسالن عن حريم عمي وخالي حملت فلانه ولا  

مدري وش يبن بالاسئله هذي


وانا الحمدلله من فضل الله رزقني ربي يوم تمم لي سنه بالضبط زواج اللهم لك الحمد 
وعلمت اهلنا وبنات عمتي وجماعتنا 

الا خالتي وبناتها مايدرون لان خالتي متزوجه واحد مومن العايله ومايدرون عن حياتنا ابد الا اذا من خالتي الثانيه وخالتي الثانيه متزوجه عمي تصير عندنا وانا محلفتها ماتقولهن واصلا خالتي نفسها انصدمت يوم عرفت بحملهن تقول قسم مادريت ماعلمتني اختي فلانه 


يعني بالعربي ماراح يعرفون اني حامل


واللي قهرني قبل شوي تسولف مع اختي ع البيبي وتسال انا فيني حمل ولا قالت اختي لا مافيها حمل الله يرزقها قالت احس انها حامل كلبه ولها عين تسال 


انا ابي ينصدمن بحملي مثل مانصدمنا بحملهن حنا بنات خاله وطيبات معهن ليش كذا


انا كرهتن خلاص وحلفت لو تولد مستحيل ابارك لها ولا راح يكون بينا الا السلام اذا تقابلنا


مستحيل انسى يوم تحلف اختي انها ماتعلم احد خايفه ادري واحسدها


ناس مشفوحه وتخاف من العين والمشكله مو من زينهم لا جمال ولاشي مادري ليش يخافون




وع وع ليش الناس كذا ماشافت خير حتي البسس تحمل وهذي ارزاق ليش يخافون من العين





بنات انا حييييل مقهوره ومتضايقه


استغفرالله ياربي والحمدلله اللي رزقني الله يتمم لي ويرزق كل محرومه الذريه الصالحه عاجلا غير اجل